ஆதாரம் கேட்கிறோமா?

Posted by: thiruchchikkaaran on: September 16, 2010

• In: Uncategorized
• 20 Comments

  நாம் ஆதாரம் கேட்டு (கடவுள் இருக்கிறார் என்பதற்கான ஆதாரம் கேட்டு)  தொல்லைப் படுத்துவதாக சில அன்பு நண்பர்கள் வருத்தப் படுகிறார்கள். நான் யாரையும் தொல்லைப் படுத்தவில்லை.

எல்லோரும் அவரவர் மனதுக்கு விருப்பமான கடவுளை அமைதியான முறையில்  வணங்கும்போது நான் யாரையும் எதையும்  கேட்கவும் இல்லை, இன்னும் சொல்லப் போனால் நீங்கள் யாரைத் தொழுதாலும், நானும் நல்லிணக்க அடிப்படையில் தொழுகையில் , பிராத்தனையில் கலந்து கொள்கிறேன்.

உங்கள் ஆலயத்துக்கு நான் வந்து உங்கள ஆலயத்தை நான் சுத்தப் படுத்தி தருகிறேன். நீங்கள் வணங்கும் முறையிலே நானும் வணங்கிக்  கொள்கிறேன் என்கிறோம், இது மனப் பூர்வமான  மத நல்லிணக்க செயல்.

ஆனால் சில நண்பர்கள் தங்களை அறியாமலே சில இனவாத  வெளி நாட்டினரின் சகிப்புத் தன்மை இல்லாத  மத வெறிக்  கொள்கைகளுக்கு பலியாகி விடுகின்றனர். அவர்கள சொல்லியதை அப்படியே கேட்டுக் கொண்டு நம்மிடம் வந்து அவர்கள சொல்லும் கடவுள் மட்டும் தான் ஜீவனுள்ள கடவுள், மத்த கடவுள்கள் பொய்யானவை என்கிற வெறுப்பு பிரச்சாரத்தை, விஷப்  பிரச்சாரத்தை கட்டவிழ்த்து விடுகின்றனர் . 

உங்கள  கடவுள்  உண்மையானவர் என்று சொல்லிக் கொள்ள உங்களுக்கு உரிமை உண்டு.மத்த கடவுள்கள் பொய்யானவை என்று சொல்ல உரிமையும் இல்ல, அது சமூகத்தில் மோதலை உண்டு பண்ணும், சமூக  விரோத , மக்கள்  விரோத  கருத்தே.

அந்த அளவுக்கு பிற மதங்களை இகழ்ந்து வம்பு செய்ய வேண்டும் என்று துடிக்கிறீர்களே, உங்கள் கடவுள் மட்டும் தான் உண்மையான கடவுள் என்றால், அதை நிரூபியுங்கள், முதலில் கடவுள் ஒன்று இருப்பதை நிரூபியுங்கள, பிறகு நீங்கள் கூறுவதுதான் உண்மையான கடவுள் என்பதையும் நிரூபியுங்கள்.

அப்படி ஆதாரம் இல்லாத, நிரூபணம் இல்லாத பட்சத்தில் வெறும் யூகத்தின் அடிப்படையில் செய்யப் படும் வெறுப்பு பிரச்சாரத்தை சமூக விரோத மத வெறிப் பிரச்சாரத்தைக் கை விடுங்க என்று கேட்டுக் கொள்கிறோம்.

அதோடு உண்மையிலே கடவுள் என்று ஒருவர் தனியாக இருக்கிறாரா என்கிற ஒரு கேள்வியானது  உலக மக்கள் பலரின்  மனதில் எழுவது போல என்னுடிய மனதிலும் எழுகிறது. அது  உண்மையை அறிய விரும்பும் ஒரு சிந்தனையாளனின் நேர்மையான கேள்வி. அந்தக் கேள்விக்கு விடை காண மனக் குவிப்பு பயிற்சி முதலான பல்வறு பயிற்சிகளில் ஈடுபடுகிறோம். இந்தக் கேள்வி யாரையும் சங்கடப் படுத்தவோ, தொல்லை கொட்க்கவோ கேட்கப் படவில்லை. அதனாலேயே நாம் எந்த தெய்வத்தையும் இகழவில்லை,  காரணம் இல்லமால் விமரிசிக்கவில்லை. நல்லிணக்க அடிப்படையில்  எல்லோரும்  தெய்வங்களாக வணங்குபவர்களை நாமும்  வணங்கத் தயாராக இருக்கும் அளவுக்கு, சமரச சமத்துவ நாகரீகப் பண்பை கடைப் பிடிக்கிறோம். 

மேலும் கடவுள் இல்லை என்பதற்கு என்ன ஆதாரம் என்று நம்மைக் கேட்கிறார்கள். என் கையில் பணம் இல்லை என்பதற்கு என்ன ஆதாரம் தர முடியும், என் உள்ளங்கையை விரித்துக் காட்டலாம், பணம் இல்லை . இல்லை அவ்வளவுதான். எனவே ஆதாரம் கொடுக்க வேண்டிய அவசியம் இருக்கிறது என்று சொல்பவர்களுக்கு தான். இதை ஒரு எடுத்துக் காட்டாக சொல்கிற வேளையிலே நாம் முன்பே சொன்னது போல நாம் அவசரம் அவசரமாக கடவுள் என்று ஒருவர் இருப்பதற்கான சாத்தியமே இல்லை என்று அடித்து ,  அறுதி இட்டு , இறுதியாக  சொல்லவில்லை.  கடவுள் என்று ஒருவர் இருக்கிறாரா என்று ஆராய்கிறோம். அதில் நிரூபிக்கப் படக் கூடிய வகையில் யாரும் இது வரை ஒரு வலையை சொல்லாததால் , நிரூபிக்காத ஒன்றை வைத்து இங்கே மனிதர்களுக்கு இடையில் கலகத்தை உருவாக்க வேண்டாம், அமைதியாக வழி படுங்கள் என்று பண்போடு சொல்லுகிறோம்.

  

பகுத்தறிவாளர்களுக்கு மற்றவர்களை விட பொறுப்பும், நிதானமும், எச்சரிக்கையும் அவசியமாகும்.

ஒவ்வொரு வார்த்தையையும் பகுத்தறிவாளன் மிகவும் யோசித்தே, பலமுறை சிந்தித்தே கூற வேண்டிய நிலை உள்ளது.

ஏனெனில் நம்பிக்கையை அடிப்படையாகக் கொண்டு செயல் படுபவர்களுக்கு ஒரு பிரச்சினையும் இல்லை. என்ன வேண்டுமானாலும் கூறலாம்.  கேட்டால் “எனக்கு நம்பிக்கை இருக்கிறது” என்பார்கள்,“நான் சாட்சி குடுக்கிறேன்”, என்பார்கள்.  நேரிலே பார்த்து கை குலுக்கி விட்டு வந்தது போல, அவ்வளவு உறுதியாக சொல்வார்கள்.

ஆனால் பகுத்தறிவுவாதி நேர்மையானவன். அவன் தன்னால் முடிந்த வரைக்கும் உண்மையைத் தேடுவான். தெரிந்த வரையில் கண்டதைக் கூறுவான்.

“கடவுள் இருக்கிறார் என்பதை இது வரை யாரும் எனக்கு காட்டவில்லை. எனவே கடவுள் இருப்பதை ஆதாரம் காட்டி நிரூபிக்காதவரை கடவுள் இருக்கிறார் என்பதை நாம் ஒப்புக் கொள்ள முடியாது” என்பதே சரியான பகுத்தறிவு என்பது எனது தாழ்மையான கருத்து.

அதே நேர‌ம் க‌ட‌வுள் இல்லை என்று கூறும் க‌ருத்து சுத‌ந்திர‌ம்  வ‌ழ‌ங்க‌ப் ப‌ட‌ வேண்டும். பார்க்காத‌ க‌ட‌வுளை, இருக்கிறார் என்று அடித்து சொல்லும் போது – பார்க்காத‌ க‌ட‌வுளை,  பார்க்க‌வில்லை என்று கூற‌ அனும‌தி இல்லையா? இதைக் கூறினால் தண்ட‌னை!

பகுத்தறிவுவாதி, “கடவுள் என்று ஒருவர் இருக்கிறாரா?” என்று அறிய தொடர்ந்து ஆராய்ச்சி செய்வான். அதில் தவறில்லை. நாம் ந‌ம்பிக்கை வாதிகளை விட‌ நேர்மையாக‌ இருப்பொம்.