Thiruchchikkaaran's Blog

Author Archive


“தமிழ் நாட்டுல ரொம்ப அதிகமா லஞ்சம் கேட்கிறாங்க , அதனால நாங்க எங்க கார் தொழிற்சாலையை தமிழ் நாட்டில் இருந்து ஆந்திராவுக்கு மாற்றிவிட்டோம்” என்று கொரிய நாட்டு “KIA” கார் கம்பெனியின் இந்திய நிர்வாகத்தை சேர்ந்த ஒருவர்சொன்னதாகசொன்னதாக  இந்தியாவின் தேசிய வூடகங்கள் பலவற்றிலும் சில மாதங்களுக்கு முன்பு செய்தி வந்தது.

அந்த செய்திக்கான சுட்டியை இங்கே காணலாம்.

http://www.hindustantimes.com/autos/kia-motors-moved-to-andhra-pradesh-as-tamil-nadu-politicians-demanded-bribe-says-industrialist/story-UuWToHPJ9QFdNrkSo8OBIO.html

இன்னொரு சுட்டி:

http://indiatoday.intoday.in/auto/story/kia-motors-tamil-nadu-corruption-facebook-post-aiadmk/1/944079.html

ஆனால் தமிழக அரசின் சார்பில் இதை மறுத்து “இது சரியல்ல  KIA கார் கம்பெனிகாரங்க தங்கள் கம்பெனியின் உள் விவகாரங்களா ல் ஆந்திராவுக்கு மாறிட்டாங்க” என்கிற ஒரு அறிக்கையை,  சண்டையில கிழியாத சட்டை எங்க இருக்கு என்கிற ரீதியில் வெளியிட்டனர்

https://timesofindia.indiatimes.com/business/kia-motors-chose-andhra-pradesh-for-factory-due-to-their-internal-policy-says-tamil-nadu-government/articleshow/58630882.cms.

இந்தியாவில் ஆட்டோமொபைல் வாகனங்களுக்கு அவசிய தேவையான உதிரி பாகங்கள் 60% தமிழகத்தில் தயாராகின்றன. எனவே இந்தியாவில் ஆட்டோமொபைல் தொழில் தொடங்க விரும்புவோருக்கு உகந்த இடமாக இருக்க வேண்டியது தமிழகம்.

கியா கார் கம்பெனியாரும் முதலில் தமிழ் நாட்டிலேயே தங்களின் கார் தொழிற்சாலையை தொடங்க விரும்பி .அதற்கு நிலம் …உள்ளிட்ட காரணங்களுக்காக தமிழக அரசிடம் தொடர்பு கொண்டுள்ளனர். 

தொழில் , வர்த்தகம் , வாணிகம் இவையே மக்களின் நிலையை உயர்த்த கூடியவை.

இப்படி தொழில் தொடங்க விரும்புவோர், தமிழ் நாட்டை விட்டு ஓடினால் என்ன ஆகும் ?

தமிழ் நாட்டின் எதிர்காலம் என்ன? 

தமிழகத்தில் எந்த வூடகமாவது ,  இந்த பிரச்சினையின் முக்கியத்துவத்தை முன்னிறுத்தி தொடர்ந்து மக்களின் கவனத்துக்கு நினைவு படுத்தி வருகின்றனவா?

அப்படி செய்தாலும்  லஞ்ச அரசியல் திறமையுடன் செய்யப்படுவதை ஒரு வேடிக்கை யான பொழுது போக்காக கருதி அதை ரசித்து மகிழும்  தமிழர் மயக்கம் கலைந்து எழுவார்களா?

தமிழ் நாட்டின் எதிர்காலம் என்ன? 

 

Advertisements

குஜராத்தில் தேர்தல் காட்சிகளை பகிர்ந்து கொள்ள வேண்டும், எனவே கட்சிகளின் சின்னங்களான தாமரை மற்றும் கை சின்னங்களை காம்பவுண்ட் சுவரில் வரைந்து இருப்பதை போட்டோ எடுத்து நம்ம பிளாகில் போடலாம் என்று அகமதாபாத் , வதோதரா (பரோடா), சூரத் ஆகிய நகர்களை சுற்றி வந்தேன்.

அட இங்க என்ன நடக்குது?  ஒரு தாமரை சின்னத்தையோ , கை சின்னத்தையோ என்னால் எந்த சுவரிலும் பார்க்க முடியவில்லையே. அட ஒரு தட்டி…ஒரு மூலை முடுக்கு…எந்த இடத்திலும் எந்த ஒரு சின்னத்தையும் பார்க்க முடியவில்லை. சரி ஆட்டோ வில் ஒளி பெருக்கியை கட்டிக் கொண்டு ” பாயியோன் ..அவ்ர் பெஹனோ ” என்று சவுண்டு வீட்டுக் கொண்டு செல்வதையாவது வீடியோ எடுக்கலாம் என்றால் ஒரு சத்தமும் இல்லை… ஆட்டோ காரர் எல்லாம் அவரவர் சவாரி ஏற்றிக் கொண்டு செல்கிறார்.

அலுவலகங்களில் அவரவர் தங்கள் வேலையை பார்க்கின்றனர் …தேர்தலைப் பற்றி பேசி கடலை போட்டு நேரத்தை வீணாக்குவதில்லை. அட …வேட்பாளர் மிக குறைந்த அளவே செலவழிக்கிறார்.

தமிழக மக்களே நீங்கள் சுற்றுலா செல்வதானால் தேர்தல் நேரத்தில் அஹமதாபாத் நகருக்கு வந்து பாருங்கள். தமிழகம் இன்னும் இன்னும் தாழ்ந்த நிலைக்கு சென்று கொண்டு இருப்பதை நிச்சயம் நீங்கள்   உணர்வீர்கள்.


ஒட்டு மொத்தமாகவும், எப்போதைக்குமாகவும் எல்லா வித துன்பங்களில் இருந்தும் விடுபடுவதே நமது இலக்கு.

இதை எழுதும்போது சில “கடவுள் ஆதரவாளர்கள்” வேகமாக வந்து, ” இன்பமும் துன்பமும் கலந்ததது தானே வாழ்க்கை , இவர்கள் துன்பத்தில் இருந்து முழுதுமாக விடுபடப் போகிறார்களாம் – வெள்ளைக் காக்காய் மல்லாக்க பறக்குது “ஹி ஹீ ஹோ”, என்று எக்காளமிட்டு கும்மி அடிப்பார்கள்.

இவர்களை பார்க்காத கடவுளுக்கு சாட்சி கொடுப்பதை போல ,  இல்லாத விடுதலையை (துன்பத்தில் இருந்து) அடைய போவதாக நாம் எண்ணுவதாக அவர்கள் கருதுகின்றனர்.

துன்பத்தில் இருந்து விடுபட எத்தனிப்பதே ஒவ்வொரு உயிரின் இயல்பு . ஒட்டு மொத்தமாக எல்லா துன்பங்களில் இருந்து ம் விடுதலை பெற முடியுமா , அது சாத்தியமா என்று சிந்திப்பதிலும் , அதற்க்கு முயற்சி செய்வதிலும் எந்த தவறும் இல்லை.

நிச்சயமாக முடியும் என்று நாம் சாட்சி கொடுக்கவில்லை, வழி இருக்கிறதா என்று ஆராய்ந்து பார்க்கிறோம்.

தமிழ் நாட்டு சித்தர்கள், வட நாட்டு முனிவர்கள், புத்தர், சங்கரர்… உள்ளிட்ட இந்தியாவின் தத்துவ அறிஞர்கள் அனைவரின் முக்கிய குறிக்கோளும் இந்த “துன்பத்தில் இருந்து ஒட்டு மொத்தமாக விடுபடுவது “என்பதையே இலக்காக கொண்டிருந்தது என்பதை ஆணித்தரமாக சொல்லிக் கொள்ள விரும்புகிறோம்.

 

Adi shankara


1897ம் வருடம்,  பிப்ரவரி மாதம் 9ம் நாள் காலை,  திருவல்லிக்கேணி இலக்கிய சங்கத்தில்,   சுவாமி  விவேகானந்தர், “நம் முன்னே உள்ள பணி” என்ற தலைப்பில் நிகழ்த்திய உரையின் ஒரு பகுதி:

ஆன்மீக சிந்தனைகளால் உலகை வெல்ல வேண்டும் என்று நான் கூறியதன் உண்மையான பொருளை மறந்து விடக் கூடாது.

உயிருணர்வு அளிக்கக் கூடிய கோட்பாடுகளையே நான் ஆன்மீக  சிந்தனைகள்  என்று குறிப்பிட்டேன். அவற்றை வெளியுலகில் பரப்ப வேண்டுமே தவிர நாம் நெஞ்சோடு நெஞ்சாக பற்றிக் கொண்டிருக்கும் மூட நம்பிக்கைகளை அல்ல.

அந்த மூட நம்பிக்கைகளை ஒரேயடியாக இந்த மண்ணில் இருந்தே பிடுங்கி எறிய வேண்டும். அவை மீண்டும் தலை எடுக்கவே கூடாது.

இந்த மூட நம்பிக்கைகள்தான் நம் இனத்தின் வீழ்ச்சிக்கு காரணம். நம் மூளையை பலவீனப் படுத்துவதும் இவைதான்!

உயரிய கருத்துக்களைச் சிந்திக்கும் திறன் அற்ற, சுயமாகச் சிந்திக்கும் ஆற்றலை இழந்த, சுறுசுறுப்பை இழந்த, கண்ட கண்ட மூட நம்பிக்கைகளை எல்லாம் மதம் என்றார் பெயரில் அனுமதித்து தன்னைத் தானே பாழ்படுத்திக் கொள்கின்ற மூளையிடம் நாம் எச்சரிக்கையாக இருக்க வேண்டும்.

 

Related image

 

இங்கே இந்தியாவில் பல்வேறு அபாயங்கள் நம் கண்முன் உள்ளன. அவற்றுள் ஒன்று வடிகட்டிய உலகாதாயம்(Materialism). மற்றொன்று அதற்க்கு நேர் மாறான வடி  கட்டிய மூட நம்பிக்கை .

இன்றைய இளைஞன் மேலை நட்டு கல்வி பெற்றவுடன் தன்னை  எல்லாம் தெரிந்தவனாக எண்ணிக் கொள்கிறான். நமது புராதன  ரிஷிகளைப் பார்த்து கேலிச் சிரிப்பு சிரிக்கிறான் அவனுக்கு இந்துச் சிந்தனை எல்லாம் வெறும் குப்பை , தத்துவம் எல்லாம் குழந்தைகளின் வெறும் உளறல், மதம் என்பது முட்டாள்களின் மூட நம்பிக்கை.

இதற்க்கு மாறாக இன்னொருவன் இருக்கிறான், அவன் கல்வி அறிவு பெற்றவன், ஆனால் ஒன்றைப் பற்றிக் கொண்டு அதுதான் சரி என்றுசாதிப்பவன் அவன்.  சகுனம் (என்று சொல்லப் படும் நிகழ்வு) களுக்கு கூட அது  இது என்று விளக்கங்கள் தருகிற மற்றொரு எல்லையை நோக்கி ஓடுகிறான் அவன்.

இப்படிப்பட்ட மூட நம்பிக்கை உடைய முட்டாள்களாய் இருப்பதை விட நீங்கள் நாத்தீகர்களாய் இருப்பதையே  நான் விரும்புகிறேன்.

ஏனெனில்  நாத்தீகனிடம் உயிர்த் துடிப்பு இருக்கிறது. அவனிடம் நீங்கள் ஏதாவது நல்லதை உருவாக்க முடியும். ஆனால் மூட நம்பிக்கை மட்டும் நுழைந்து விடுமானால் சிந்திக்கும் திறன் போய் விடுகிறது. மூளை மழுங்கி விடுகிறது. வாழ்க்கை சீரழிவுப் பாதையில் போக ஆரம்பித்து விடுகிறது. இந்த இரண்டையும் தவிர்த்து விடுங்கள்.


”நீர்தான் கட்டபொம்மன் என்பவரோ”,

‘”நீர்தான் ஜாக்சன் துரை என்பவரோ”

……….

” உன் குற்றங்கள்….   கணக்கில் அடங்காது”

“அது எண்ணிக்கை தெரியாத உன் குற்றம்”  

 தமிழ் பேசும் உலகம் எல்லாம் , தமிழ் மக்களின் நெஞ்சில் எல்லாம் நீங்கா இடம் பெற்ற வசனங்கள இவை,  பள்ளியிலே படிக்கும் போது பலமுறை இந்த வசனம் பேசி மாணவர்கள நடிக்கப் பார்த்து இருக்கிறோம், நாமும் ஓரிரு முறை நடித்தும் இருக்க கூடும்.

ஆனால் இந்த வசனத்திலே, “அது எண்ணிக்கை தெரியாத உன் குற்றம்”  என்பது மட்டும் எனக்கு ஒரு புரியாத புதிராகவே இருந்தது. என்னடா, வெள்ளைக் காரனுக்கா எண்ணத் தெரியாது, என்று புரியாவிட்டாலும்,  நம்ப கட்ட பொம்மன் சும்மா சொல்லி இருக்க மாட்டரே, என்று சிந்தித்து கொண்டு இருந்தேன்.

உண்மையிலேயே  வெள்ளைக் காரனுக்கு எண்ணத் தெரியாமலே இருந்திருக்கிறது. வெள்ளைக் காரன் எண்ணிக்கைக்கு உபயோகப் படுத்தியது ரோமன் நம்பர்கள் எனப் படுபவற்றை.

இந்த ரோமன் எண்களையும்  நாம் பள்ளியிலே படித்து இருக்கிறோம்.

ஒன்று –  I

இரண்டு- II

மூன்று – III

நான்கு – IV

ஐந்து- V

ஆறு- VI

ஏழு, – VII

எட்டு – VIII

ஒன்பது – IX

பத்து    – X

முப்பத்தி எட்டு என்கிற எண்ணை ரோமன் கணித முறையில் எழுத-  XXXVIII

முன்னூற்றி முப்பத்து எட்டு –  CCCXXXVIII

எண்ணூற்றி முப்பத்து எட்டு-  DCCCXXXVIII

நாம் அன்றாடம் பயன் படுத்தும் கணித முறையை ஒரு நிமிடம்  மறந்து விட்டு , இந்த இரண்டு ரோமன்  நம்பர்களையும் கூட்ட முயற்சி செய்து பாருங்கள்.

இந்த நம்பர்களை உருவாக்கிய ரோமானியர்கள் அவற்றைக் கூட்டவோ கழிக்கவோ முடியாமல் திணறி இருக்கின்றனர்.  “எப்படியாவது கூட்டிக்கோ. அந்த நம்பரை எழுதுவதற்கே பெரும்பாடு, இதில் கூட்ட வேறு முடியுமா” என்கிற இலட்சணத்திலே ஒரு நம்பர் சிஸ்டத்தை உருவாக்கி விட்டனர் மேலை நாட்டினர். 

ஒரு எண்ணின் மதிப்பை ரோமன் நம்பரில் இருந்து எப்படி அறிந்து கொள்ள முடியும் என்று நோக்குவோம்.

DCCCXXXVIII என்கிற எண்ணை எடுத்துக் கொள்வோம். இதன் மதிப்பு என்ன?

இதில் D யின் மதிப்பு ஐநூறு  ஆகும்.

C யின் மதிப்பு நூறு ஆகும் .

D ஐநூறுடன் முதலில் ஒரு C (நூறைக்) கூட்ட வேண்டும்,

பிறகு இன்னொரு C (நூறு) கூட்ட வேண்டும்,

பிறகு இன்னொரு C (நூறு) கூட்ட வேண்டும்.

… இப்படியாக எண்ணூறு வந்து விட்டது.

அதற்குப் பிறகு X எனப் படும்  பத்தை மூன்று முறை கூட்டவும்.

எண்ணூற்றி  முப்பது….

இதுக்கே கண்ணைக் கட்டுதே என்கிறீர்களா?  இருங்கள்  இன்னும் பாக்கி இருக்கிறது.

 இதோடு V  என்கிற ஐந்தைக் கூட்டவும்.

இன்னும் அதோடு  I என்கிற ஒன்றை மூன்று முறை கூட்டவும்.

இப்போது எண்ணூற்றி முப்பத்து எட்டு வந்து விட்டதா? வராவிட்டால் திரும்பி ஒரு முறை சரி பாருங்கள்.

எனவே ஒரு எண்ணின் மதிப்பை தெரிந்து கொள்வதற்கே பல கூட்டல் கழித்தல்களைப் போட்டு எண்ணிக்கை கண்டு பிடிக்க திணறி இருக்கிரார்கள வெள்ளையர்கள்.

இதே நம்முடைய கணித முறையில் 838 என்பதைப் பார்க்கும் போதே முதலில் இருப்பது நூறுகளை , அடுத்து வருவது பத்துகளை, கடைசியில் இருப்பது ஒன்றுகளை என பார்த்தவுடன் அதன் மதிப்பு தெரிந்து விடுகிறது .

நூறுகள்  பத்துகள்    ஒன்றுகள்

 8                       3                   8

ஏழாயிரத்து எண்ணூற்றி முப்பத்தி எட்டு என்பதைக் கூட மிக எளிதில் பார்த்தவுடன் அதன் மதிப்பை அறிந்து கொள்ள முடியும்.

7838.

  ஆயிரங்கள்       நூறுகள்   பத்துகள்    ஒன்றுகள் 

            7                  8                   3                       8

இந்தியர் உருவாக்கி உபயோகப் படுத்திய கணித முறையில் மிக எளிதாக பார்த்தவுடன்  அனாயசமாக அதன் மதிப்பை  தெரிந்து கொள்ளலாம்.

அக்காலத்தில் பொருட்களை  நேரடியாக இந்தியாவில் இருந்து கப்பல் மூலம் நேரடியாக இந்தியாவிற்கு கொண்டு வரவோ, எடுத்து செல்லவோ இயலாமல் இருந்தது. ஏனெனில் ஆப்பிரிக்க கண்டத்தை  சுற்றி வர  கடல் வழி அப்போது அறியப் படவில்லை.  எனவே சரக்குகள்  அரபிக் கடல் மூலமாக இந்தியாவில் இருந்து அரேபியப் பகுதி துறை முகங்களுக்கு எடுத்து செல்லப் பட்டன. அங்கிருந்து அவை நிலம்  வழியாக அரேபியப் பாலைவனத்தின் மத்திய தரைக் கடல் பகுதிக்கு கொண்டு செல்லப் பாட்டன.  பிறகு அங்கிருந்து அவை மத்திய தரைக் கடல் மூலமாக ஐரோப்பியப் பகுதிகளுக்கு சென்றன. இப்படி வியாபராம் செய்யும் போது அரேபியர்கள்  வெள்ளையரின் ரோமன நம்பர்கள் இடியாப்பச் சிக்கலாக இருந்ததன என்பதையும்   இந்தியர்கள் வணிகத்திற்கு உபயோகப் படுத்திய கணித முறையோ மிக எளிதாக இருந்தது , ஏன்யா, ஏன்… இந்த கஷ்டம், இதை யூஸ் பன்னுங்கையா என்று நம்முடைய கணித முறையை ஐரோப்பியருக்கு கற்றுத் தந்தனர்.

அறிவியலின் ஆதாரம் கணிதமே. கணிதத்தை ஆரம்பித்து எண்ணக் கற்றுக் குடுத்து நம் இனமே. பிற் காலத்தில் கணிதம் வளர்ந்த போதும் இந்தியர்கள்  உதவி  உள்ளனர். நம்பர் சிஸ்டம்ஸ் எனப்படும் எண் கணிதத்தை உலகுக்கு அளித்தது இந்தியாவே.
மிகக் சிறந்த கணித மேதைகளில்  ஒருவரான லாப்லாஸ்  (Marquis Di Laplace) என்பவர் எடுத்து சொல்லி பாராட்டியுள்ளார்.  
இதன் முக்கியத்துவத்தை உணர்ந்த கணினி பேராசிரியர் திரு. தாமஸ் பார்ட்டி ( பேராசிரியர், மசாசூட்டாஸ் பல்கலைக் கழகம்) தன்னுடைய உலகப்  புகழ் பெற்ற நூலான Digital Computer Fundamentals என்னும் நூலில்   இதை தலைப்பாக  வெளியிட்டு இருக்கிறார்.
நம்மைப் பொறுத்தவரையில் சிறந்த விஞ்ஞானிகளான ஆர்யா பட்ட, ஆர்க்கிமிடிஸ், நிகோலஸ் கோபர்நிகஸ்,  கலிலியோ,  நியூட்டன், மைக்கேல் பாரடே, எடிசன், லூயி பாஸ்டர்,   ஜேம்ஸ்  வாட்,
ஜகதீச சந்திர   போஸ், ஐன்ஸ்டீன்  சி .விராமன்,  சந்திர சேகர், ……உள்ளிட்ட பலரையும் மதிக்கிறோம், அவர்கள பேரில் மரியாதையுடன் இருக்கிறோம்.மேலை நாட்டு அறிவியல் அறிஞர்களை நாம் குறைத்து மதிப்பிடவில்லை. 
ஆனால்  மேலை நாட்டவர்கள் தான் அறிவாளிகள்  , அவர்கள் தான் கண்டு பிடிக்க முடியும் என்று நம்மைப் நம்மைப் பற்றி  தாழ்வாக எண்ணிக் கொண்டு, அவர்கள் சொல்வதை எல்லாம் அப்படியே ஒத்துக்கணும் அய்யா, என்று கருதும் போக்கு வெகுளித்தனமானது என்பதை சுட்டிக் காட்டவே இந்தக் கட்டுரையை நாம் எழுத வேண்டியுள்ளது என்று குறிப்பிடுகிறேன்.

“ஐயோ, இன்னும் சற்று நேரத்தில் வந்து விடுவானே,விழிகளை உருட்டுவான், உதடுகள் துடிக்க கோபத்துடன் சொற்களை நெருப்பாய் கொட்டுவான், உடனே பணத்தை கையில் வைக்கா விட்டால் முழு சப்தத்துடன் இறைந்து கத்தி தெருவெல்லாம் வேடிக்கை பார்க்கும் படி எம் மானத்தை வாஙகுவானே, குடும்ப கொழுந்துகளை சிதைப்பேன் என  சூளுரைப்பானே,

உதவிக்குயாரும்  இல்லை, கையில் சல்லிக் காசு இல்லை, வாங்கிய கடனோ 50,000 மட்டுமே, வட்டியே இது வரை 80,000 கொடுத்து விட்டேனே, ஆனாலும் கொஞ்சம் கூட இரக்கம் காட்டாத கொடுமைக்கார ரவுடி,அவனிடம் இருந்து  என்னைக் காக்க யாரும் இல்லையே,அய்யகோ என் செய்வேன்,என் செய்வேன்,செய்ய வெதுவும் இல்லை ,கையறு நிலை, கையறு நிலை….”

கடன் பட்டார் நெஞ்சம் போல் கலங்கினான் இலங்கை வேந்தன் என்கிறார் கம்பர். அவர் காலத்திலேயே அவ்வளவு கொடுமை…இப்போது வளரும் இந்தியாவில், வேகமாக வளர்வது வட்டிக்கு விடும் தொழில் தான் போலும். எங்கு நோக்கிலும் வேலை இழப்புகள் , கடனுக்கு பணத்தை வாங்குகிறான் அப்பாவி இந்தியன், …வட்டியோ.கந்து வட்டி…மீட்டர் வட்டி…அம்மோய் ..அவர்களின் துயரத்தை!எழுத கம்பன் தான் மீண்டும் வர வேண்டுமோ ,

அவர்களை காக்கும் வகையில் வட்டி வாங்க கூடாது என்னும் கோட்பாட்டை அளித்தார் நபிகள் பெருமானார் முஹம்மது நபி (ஸல்லல்லாஹு அலைஹி வ ஸல்லம் ) அவர்கள் !

கந்து வட்டி மட்டுமல்ல,எந்த வட்டியும் கிடையாது நபிகள் பெருமானார் அளித்த இஸ்லாத்தில்!

மருத்துவ செலவு, திருமண செலவு , கல்வி செலவு போன்ற பெர்சனல் செலவுகளுக்கு தரப்பட்டும் எந்த கடனுக்கும் வட்டி கிடையாது என்னும் சட்டத்தை கொண்டு வந்து அதை முழு வீச்சில் செயல் படுத்தியே ஆக வேண்டும். கந்து வட்டி தொழில் செய்வோர்க்கு மாற்று பிழைப்பாக மாவாட்டும் தொழில் தரப் படலாம்!

நபிகளாரின் புகழ் ஓங்குக! ஸலாம் அலைக்கும் முஹம்மது நபி (ஸல்லல்லாஹு அலைஹி வ ஸல்லம் ) அவர்களே!

 


 காரணமில்லாமல் யாரயுமே வெறுக்க வேண்டியதில்லை, எந்த ஒரு கோட்பாட்டையும் வெறுக்க வேண்டியதில்லை. எந்த ஒரு கோட்பாட்டையும் ஆராய்ச்சி செய்கிறோம், மக்களுக்கு நன்மை இருந்தால் எடுத்துக் கொள்கிறோம், பிரச்சினை என்றால் அதை விலக்குகிறோம். இது நல்ல செயல் பாடுதானே!

கம்யூனிசத்திலும் மக்கள் நனமைக்கான கோட்பாடுகள் உள்ளன. கேபிடலிசத்தாலும் நன்மைகள் உண்டு இரண்டிலும் உள்ள நல்ல கோட்பாடுகளை எடுத்துக் கொள்வோம்.

இதிலே கடவுள் நம்பிக்கையில் முக்கிய கவனம் செலுத்தும் கோட்பாடாளர்களும் உள்ளனர்.

வெளிப்படையாக சொன்னால் இன்றைக்கு உலகிலே யாரும் கடவுளை பார்த்ததும் இல்லை. கடவுள் இருப்பிற்கான சரி பார்த்துக் கொள்ளக் கூடிய நிரூபணம் எதையும் யாரும் தரவில்லை. ஆனாலும் யாரவது அமைதியான முறையிலே கடவுளை வணங்கிக்  கொண்டால் அதிலே நாம் ஆட்சேபிக்க ஒன்றும் இல்லை.

ஏதோ மனக் கஷ்டத்திற்கு ஒரு விடிவு காலம் கிடைக்கும் என்று நம்பிக்கையை உருவாக்கும் விதமாக பலர் வழிபாட்டு தளத்திற்கு செல்லுகின்றனர். சில பேர் கடமையாக எண்ணி வழிபாடு செய்கின்றனர். எப்படி இருந்தாலும் சரி, அவர்களை  நாம் இகழவில்லை. அவர்கள் வணங்கும் கடவுளையும் நாம் இகழவில்லை. கடவுள் இருக்கிறாரோ, இல்லையோ – நாம் ஏன் வெறுக்க வேண்டும்? நாம் வெறுக்கவில்லை, அதனால் எல்லோர் நிகழ்ச்சியிலும் கலந்து கொள்ளுகிறோம்.

நல்லிணக்க அடிப்படையிலே இந்த உலகில் உள்ள எல்லா மதத்தவரின் விழாக்களிலும்,  வழி பாட்டிலும் கலந்து கொள்கிறோம். ஏனெனில் இது மத சகிப்புத் தன்மையை வளர்க்கவும், நல்லிணக்கத்தை உருவாக்கவும் ஆகும்.

அவர்கள் வழிபாடு நடத்தும் போது நாம் கண்ணை மூடி, மற்ற எல்லாவற்றையும் மறந்து மனக் குவிப்பு செய்கிறோம். அப்படி செய்வது மனதில் அமைதியை உருவாக்குகிறது.  

பகுத்தறிவுவாதிகளான நமக்கு எந்த ஒரு கோட்பாட்டையும் பகுத்தறிவு ரீதியிலே ஆக்க பூர்வமாக அணுக தயக்கம் இல்லை. பகுத்தறிவுக்கு ஒப்புக் கொள்ளக் கூடியவற்றை ஒப்புக் கொள்கிறோம். பகுத்தறிவால் ஆராயப் பட்டு  நிரூபணம் ஆகாதவை வெறும் நம்பிக்கையாக  மாத்திரமே உள்ளது, எல்லா நம்பிக்கையும் உண்மை என்று ஆகி விட முடியாது, நிரூபிக்கப் பட்டால் அன்றி.

ஆனால் நம்பிக்கை கோட்பாட்டு சகோதரர்கள் நாம் இவ்வளவு நல்லிணக்கம் காட்டியும் திருப்தி அடைவது இல்லை. அவர்கள் சொல்வதை வார்த்தைக்கு வார்த்தை மறு பேச்சின்றி ஒத்துக் கொள்ள வேண்டும். அப்படி செய்வதற்கு கடவுள் என்கிற ஒருவரை  நிலை  நிறுத்த வேண்டும். ஆனால் கடவுள் இருப்பதற்கான ஆதாரம் (verifiable proof)எதுவும் அவர்களிடம் இல்லை.

ஆனாலும் அவர்களுக்கு பிரச்சினை இல்லை. உலகத்திலே மனிதர்கள் கண்டு பிடித்த எல்லாவற்றையும் அவர்கள் ஒன்று திரட்டுவார்கள்.  வெப்பவியல் கோட்பாடு,  அணுக்களின் அமைப்பு , இருதயம் எப்படி இயங்குகிறது ….. இப்படி ஸ்கூலில் , கல்லூரியில் படித்த பாடங்களை எழுதுவார்கள். எல்லாவற்றையும் எழுதி முடித்து கடைசியில் ஒரே ஒரு வார்த்தை, இவ்வளவு நேர்த்தியாக இந்த உலகம் இயங்குவதில் இருந்தே இவை எல்லாம் கடவுளால் படைக்கப் பட்டவை என்று தெரிந்து கொள்ளலாம் என்று ஒரே ஒரு வாக்கியத்தை சேர்ப்பார்கள்.

கடவுளை நிரூபணம் செய்தாகி விட்டது என்று நீங்கள் ஒத்துக் கொள்ள வேண்டும்.

சரி அப்பவும் ஒத்துக் கொள்ளவில்லையா,  பிரச்சினை இல்லை,  மின் காந்த விதிகளை எடுத்துக் காட்டலாம். மூளை எப்படி இயங்குகிறது, கண் எப்படி பார்க்கிறது…. பார்த்தீர்களா கடவுள் எவ்வளவு கவனமாகப் படைத்து இருக்கிறார்….. !

சரி இப்பவும் ஒத்துக் கொள்ளவில்லையா?  அடுத்து வேதியல் விதிகளை எடுத்துக் கொள்வோம், கிட்னியை எடுத்துக் கொள்வோம்…. இப்படியே போகும்.

என்ன ஐயா, இவை எல்லாம் மனிதன் தானே கண்டு பிடித்தான், இதை அப்படியே கடவுள்  பேருக்கு மாற்றிக் கொள்கிறீர்களே, இது சரியா, இது அறிவு நாணயமா?

“தம்பி இதை எல்லாம் கண்டு பிடித்தது மனிதன், ஆனால் படைத்தது கடவுள் ….. புரியுதா?” என்பார்கள்.

“சரிங்க, அந்தக் கடவுள் இருப்பதற்கான ஆதாரம் எங்கே ?”

“… அதுதாங்க இது …  ” என்று செந்தில் போலக் கலக்குவார்கள்!

“கடவுள் இருப்பதற்கான ஆதாரத்தை நீங்கள் கொடுக்கவே இல்லை. அம்மை நோய்க்கு தடுப்பு, பெனிசிலின்  மருந்து … இப்படி பல நோய்களுக்கும்  மருந்தை மனிதன் கஷ்டப்பட்டு  தேடிக் கண்டு பிடித்து இருக்கிறான். இவற்றை எந்த மதப் புத்தகத்திலாவது கண்டு பிடித்து கொடுத்தார்களா?

மனிதன் பகுத்தறிவை உபயோகித்து கண்டு பிடித்து இருக்கிறான். எப்படிக் கண்டு பிடித்தான் என்று படிப்படியாக நிலைகளையும்  சொல்லியும் இருக்கிறான்.

இப்படி மனிதன் எல்லாவற்றையும் கண்டு பிடித்து இருப்பதை நீங்கள் எடுத்துப் போட்டு எல்லாம் கடவுளுக்கு மகிமை என்று சொல்கிறீர்களே, இதில் கொஞ்சமாவது உண்மை,  நியாயம் இருக்கா?

கடவுள் இருப்பதற்கான ஆதாரத்தை தரப் போவதாக சொல்லி விட்டு, மனிதர்கள் இங்கே இருப்பவற்றைப் பற்றிக் கண்டு பிடித்ததைக் காட்டுகிறார்கள்!”

எல்லாம் ஓக்கே தான் தம்பி, கடவுள் இருப்பதை நாங்கள் நிரூபித்து விட்டோம். இனி எங்களுக்கு அடுத்த வேலை இருக்கிறது,  இப்ப வேறு சில நண்பர்கள் , அவர்களும் கடவுள் இருப்பதை நிரூபித்து விட்டதா சொல்லுராங்க, அவங்க நிரூபணம் பொய், நாங்க நிரூபித்ததுதான் உண்மை என்பதை அவர்களுக்கு காட்டப் போகிறோம்! நேருக்கு நேர் வாக்குவாதம் இருக்கு,  அவர்கள் நூலில் உள்ள கருத்துக்களை வைத்தே எங்கள் நம்பிக்கை தான் உண்மையானது என்பதை காட்டப் போகிறோம், நீங்களும் இந்த நிகழ்ச்சியை அவசியம் பாருங்கள்  … அதனால் நாங்க இப்ப  கொஞ்சம் பிசியாக இருக்கிறோம், அப்புறம் பாக்கலாமா? நன்றி.”என்று உற்சாகத்துடன் சொல்வார்கள்!

அண்ணே, கடவுளுக்கான நிரூபணம் கொடுக்கப் பட்டு விடவில்லை, ஆனாலும்   நான் உங்களுடன் இணக்கத்தையே விரும்புகிறோம். உங்கள் மத விழாக்களில் பண்டிகைகளில் கலந்து கொள்ளத் தயார்,உங்கள் வழிபாட்டு முறைகளை உங்களோடு சேர்ந்து கடை பிடிக்க தயார்! ”

தம்பி, அதைத்தான்  ஆரம்பத்திலேந்தே  சொல்லுறீங்களே,  ஆனால் எங்க வழிபாட்டு முறைகளை மட்டுமே கடைப் பிடிக்க வேண்டும், சரியா?

ஏன் அண்ணே, எல்லோரோடையும் இணக்கமாக இருந்தால் எந்தப் பிரச்சினையும் இல்லை அண்ணே.

அடடா…., சரி நீங்க அடுத்த வாரம் வாங்க, பேசுவோம்…

அடுத்த வாரம் என்ன அண்ணே?”

லண்டன்ல புதுசா விண்வெளி  பற்றி   ஒரு ஆராய்ச்சிக் கட்டுரை வெளி இட்டு இருக்காங்க, அதை பிரதி எடுத்து வைப்போம்…!”

(This article was originally published in our blog on January’2011, added and republished here)


Share this blog

Facebook Twitter More...

Enter your email address to follow this blog and receive notifications of new posts by email.

Join 32 other followers

அண்மைய பின்னூட்டங்கள்

Top Rated

Categories

டிச‌ம்ப‌ர் 09