Thiruchchikkaaran's Blog

Archive for the ‘Uncategorized’ Category


குஜராத்தில் தேர்தல் காட்சிகளை பகிர்ந்து கொள்ள வேண்டும், எனவே கட்சிகளின் சின்னங்களான தாமரை மற்றும் கை சின்னங்களை காம்பவுண்ட் சுவரில் வரைந்து இருப்பதை போட்டோ எடுத்து நம்ம பிளாகில் போடலாம் என்று அகமதாபாத் , வதோதரா (பரோடா), சூரத் ஆகிய நகர்களை சுற்றி வந்தேன்.

அட இங்க என்ன நடக்குது?  ஒரு தாமரை சின்னத்தையோ , கை சின்னத்தையோ என்னால் எந்த சுவரிலும் பார்க்க முடியவில்லையே. அட ஒரு தட்டி…ஒரு மூலை முடுக்கு…எந்த இடத்திலும் எந்த ஒரு சின்னத்தையும் பார்க்க முடியவில்லை. சரி ஆட்டோ வில் ஒளி பெருக்கியை கட்டிக் கொண்டு ” பாயியோன் ..அவ்ர் பெஹனோ ” என்று சவுண்டு வீட்டுக் கொண்டு செல்வதையாவது வீடியோ எடுக்கலாம் என்றால் ஒரு சத்தமும் இல்லை… ஆட்டோ காரர் எல்லாம் அவரவர் சவாரி ஏற்றிக் கொண்டு செல்கிறார்.

அலுவலகங்களில் அவரவர் தங்கள் வேலையை பார்க்கின்றனர் …தேர்தலைப் பற்றி பேசி கடலை போட்டு நேரத்தை வீணாக்குவதில்லை. அட …வேட்பாளர் மிக குறைந்த அளவே செலவழிக்கிறார்.

தமிழக மக்களே நீங்கள் சுற்றுலா செல்வதானால் தேர்தல் நேரத்தில் அஹமதாபாத் நகருக்கு வந்து பாருங்கள். தமிழகம் இன்னும் இன்னும் தாழ்ந்த நிலைக்கு சென்று கொண்டு இருப்பதை நிச்சயம் நீங்கள்   உணர்வீர்கள்.

Advertisements

 காரணமில்லாமல் யாரயுமே வெறுக்க வேண்டியதில்லை, எந்த ஒரு கோட்பாட்டையும் வெறுக்க வேண்டியதில்லை. எந்த ஒரு கோட்பாட்டையும் ஆராய்ச்சி செய்கிறோம், மக்களுக்கு நன்மை இருந்தால் எடுத்துக் கொள்கிறோம், பிரச்சினை என்றால் அதை விலக்குகிறோம். இது நல்ல செயல் பாடுதானே!

கம்யூனிசத்திலும் மக்கள் நனமைக்கான கோட்பாடுகள் உள்ளன. கேபிடலிசத்தாலும் நன்மைகள் உண்டு இரண்டிலும் உள்ள நல்ல கோட்பாடுகளை எடுத்துக் கொள்வோம்.

இதிலே கடவுள் நம்பிக்கையில் முக்கிய கவனம் செலுத்தும் கோட்பாடாளர்களும் உள்ளனர்.

வெளிப்படையாக சொன்னால் இன்றைக்கு உலகிலே யாரும் கடவுளை பார்த்ததும் இல்லை. கடவுள் இருப்பிற்கான சரி பார்த்துக் கொள்ளக் கூடிய நிரூபணம் எதையும் யாரும் தரவில்லை. ஆனாலும் யாரவது அமைதியான முறையிலே கடவுளை வணங்கிக்  கொண்டால் அதிலே நாம் ஆட்சேபிக்க ஒன்றும் இல்லை.

ஏதோ மனக் கஷ்டத்திற்கு ஒரு விடிவு காலம் கிடைக்கும் என்று நம்பிக்கையை உருவாக்கும் விதமாக பலர் வழிபாட்டு தளத்திற்கு செல்லுகின்றனர். சில பேர் கடமையாக எண்ணி வழிபாடு செய்கின்றனர். எப்படி இருந்தாலும் சரி, அவர்களை  நாம் இகழவில்லை. அவர்கள் வணங்கும் கடவுளையும் நாம் இகழவில்லை. கடவுள் இருக்கிறாரோ, இல்லையோ – நாம் ஏன் வெறுக்க வேண்டும்? நாம் வெறுக்கவில்லை, அதனால் எல்லோர் நிகழ்ச்சியிலும் கலந்து கொள்ளுகிறோம்.

நல்லிணக்க அடிப்படையிலே இந்த உலகில் உள்ள எல்லா மதத்தவரின் விழாக்களிலும்,  வழி பாட்டிலும் கலந்து கொள்கிறோம். ஏனெனில் இது மத சகிப்புத் தன்மையை வளர்க்கவும், நல்லிணக்கத்தை உருவாக்கவும் ஆகும்.

அவர்கள் வழிபாடு நடத்தும் போது நாம் கண்ணை மூடி, மற்ற எல்லாவற்றையும் மறந்து மனக் குவிப்பு செய்கிறோம். அப்படி செய்வது மனதில் அமைதியை உருவாக்குகிறது.  

பகுத்தறிவுவாதிகளான நமக்கு எந்த ஒரு கோட்பாட்டையும் பகுத்தறிவு ரீதியிலே ஆக்க பூர்வமாக அணுக தயக்கம் இல்லை. பகுத்தறிவுக்கு ஒப்புக் கொள்ளக் கூடியவற்றை ஒப்புக் கொள்கிறோம். பகுத்தறிவால் ஆராயப் பட்டு  நிரூபணம் ஆகாதவை வெறும் நம்பிக்கையாக  மாத்திரமே உள்ளது, எல்லா நம்பிக்கையும் உண்மை என்று ஆகி விட முடியாது, நிரூபிக்கப் பட்டால் அன்றி.

ஆனால் நம்பிக்கை கோட்பாட்டு சகோதரர்கள் நாம் இவ்வளவு நல்லிணக்கம் காட்டியும் திருப்தி அடைவது இல்லை. அவர்கள் சொல்வதை வார்த்தைக்கு வார்த்தை மறு பேச்சின்றி ஒத்துக் கொள்ள வேண்டும். அப்படி செய்வதற்கு கடவுள் என்கிற ஒருவரை  நிலை  நிறுத்த வேண்டும். ஆனால் கடவுள் இருப்பதற்கான ஆதாரம் (verifiable proof)எதுவும் அவர்களிடம் இல்லை.

ஆனாலும் அவர்களுக்கு பிரச்சினை இல்லை. உலகத்திலே மனிதர்கள் கண்டு பிடித்த எல்லாவற்றையும் அவர்கள் ஒன்று திரட்டுவார்கள்.  வெப்பவியல் கோட்பாடு,  அணுக்களின் அமைப்பு , இருதயம் எப்படி இயங்குகிறது ….. இப்படி ஸ்கூலில் , கல்லூரியில் படித்த பாடங்களை எழுதுவார்கள். எல்லாவற்றையும் எழுதி முடித்து கடைசியில் ஒரே ஒரு வார்த்தை, இவ்வளவு நேர்த்தியாக இந்த உலகம் இயங்குவதில் இருந்தே இவை எல்லாம் கடவுளால் படைக்கப் பட்டவை என்று தெரிந்து கொள்ளலாம் என்று ஒரே ஒரு வாக்கியத்தை சேர்ப்பார்கள்.

கடவுளை நிரூபணம் செய்தாகி விட்டது என்று நீங்கள் ஒத்துக் கொள்ள வேண்டும்.

சரி அப்பவும் ஒத்துக் கொள்ளவில்லையா,  பிரச்சினை இல்லை,  மின் காந்த விதிகளை எடுத்துக் காட்டலாம். மூளை எப்படி இயங்குகிறது, கண் எப்படி பார்க்கிறது…. பார்த்தீர்களா கடவுள் எவ்வளவு கவனமாகப் படைத்து இருக்கிறார்….. !

சரி இப்பவும் ஒத்துக் கொள்ளவில்லையா?  அடுத்து வேதியல் விதிகளை எடுத்துக் கொள்வோம், கிட்னியை எடுத்துக் கொள்வோம்…. இப்படியே போகும்.

என்ன ஐயா, இவை எல்லாம் மனிதன் தானே கண்டு பிடித்தான், இதை அப்படியே கடவுள்  பேருக்கு மாற்றிக் கொள்கிறீர்களே, இது சரியா, இது அறிவு நாணயமா?

“தம்பி இதை எல்லாம் கண்டு பிடித்தது மனிதன், ஆனால் படைத்தது கடவுள் ….. புரியுதா?” என்பார்கள்.

“சரிங்க, அந்தக் கடவுள் இருப்பதற்கான ஆதாரம் எங்கே ?”

“… அதுதாங்க இது …  ” என்று செந்தில் போலக் கலக்குவார்கள்!

“கடவுள் இருப்பதற்கான ஆதாரத்தை நீங்கள் கொடுக்கவே இல்லை. அம்மை நோய்க்கு தடுப்பு, பெனிசிலின்  மருந்து … இப்படி பல நோய்களுக்கும்  மருந்தை மனிதன் கஷ்டப்பட்டு  தேடிக் கண்டு பிடித்து இருக்கிறான். இவற்றை எந்த மதப் புத்தகத்திலாவது கண்டு பிடித்து கொடுத்தார்களா?

மனிதன் பகுத்தறிவை உபயோகித்து கண்டு பிடித்து இருக்கிறான். எப்படிக் கண்டு பிடித்தான் என்று படிப்படியாக நிலைகளையும்  சொல்லியும் இருக்கிறான்.

இப்படி மனிதன் எல்லாவற்றையும் கண்டு பிடித்து இருப்பதை நீங்கள் எடுத்துப் போட்டு எல்லாம் கடவுளுக்கு மகிமை என்று சொல்கிறீர்களே, இதில் கொஞ்சமாவது உண்மை,  நியாயம் இருக்கா?

கடவுள் இருப்பதற்கான ஆதாரத்தை தரப் போவதாக சொல்லி விட்டு, மனிதர்கள் இங்கே இருப்பவற்றைப் பற்றிக் கண்டு பிடித்ததைக் காட்டுகிறார்கள்!”

எல்லாம் ஓக்கே தான் தம்பி, கடவுள் இருப்பதை நாங்கள் நிரூபித்து விட்டோம். இனி எங்களுக்கு அடுத்த வேலை இருக்கிறது,  இப்ப வேறு சில நண்பர்கள் , அவர்களும் கடவுள் இருப்பதை நிரூபித்து விட்டதா சொல்லுராங்க, அவங்க நிரூபணம் பொய், நாங்க நிரூபித்ததுதான் உண்மை என்பதை அவர்களுக்கு காட்டப் போகிறோம்! நேருக்கு நேர் வாக்குவாதம் இருக்கு,  அவர்கள் நூலில் உள்ள கருத்துக்களை வைத்தே எங்கள் நம்பிக்கை தான் உண்மையானது என்பதை காட்டப் போகிறோம், நீங்களும் இந்த நிகழ்ச்சியை அவசியம் பாருங்கள்  … அதனால் நாங்க இப்ப  கொஞ்சம் பிசியாக இருக்கிறோம், அப்புறம் பாக்கலாமா? நன்றி.”என்று உற்சாகத்துடன் சொல்வார்கள்!

அண்ணே, கடவுளுக்கான நிரூபணம் கொடுக்கப் பட்டு விடவில்லை, ஆனாலும்   நான் உங்களுடன் இணக்கத்தையே விரும்புகிறோம். உங்கள் மத விழாக்களில் பண்டிகைகளில் கலந்து கொள்ளத் தயார்,உங்கள் வழிபாட்டு முறைகளை உங்களோடு சேர்ந்து கடை பிடிக்க தயார்! ”

தம்பி, அதைத்தான்  ஆரம்பத்திலேந்தே  சொல்லுறீங்களே,  ஆனால் எங்க வழிபாட்டு முறைகளை மட்டுமே கடைப் பிடிக்க வேண்டும், சரியா?

ஏன் அண்ணே, எல்லோரோடையும் இணக்கமாக இருந்தால் எந்தப் பிரச்சினையும் இல்லை அண்ணே.

அடடா…., சரி நீங்க அடுத்த வாரம் வாங்க, பேசுவோம்…

அடுத்த வாரம் என்ன அண்ணே?”

லண்டன்ல புதுசா விண்வெளி  பற்றி   ஒரு ஆராய்ச்சிக் கட்டுரை வெளி இட்டு இருக்காங்க, அதை பிரதி எடுத்து வைப்போம்…!”

(This article was originally published in our blog on January’2011, added and republished here)


இரண்டு நாட்கள் முன்பு நண்பர் வீட்டுக்கு சென்றிருந்தேன். முற்றிய மாலை நேரத்தத்தில் சிறுவர் சிறுமியர் சேர்ந்து அடுக்கு மாடி குடியிருப்பின் முன்பிருந்த சிறிய பூங்கா போன்ற இடத்தில் மகிழ்வுடன் மத்தாப்பு கொளுத்தி விளையாடிக் கொண்டிருந்ததை கண்டேன்,  என் உள்ளம் என்னையும் அறியாமல் பூரித்ததது. சத்தம் போட்டு ஆடி ஓடி மத்தாப்பு , சாட்டை , சக்கரம் போன்ற பட்டாசுகளை கொளுத்தினர். மத்தாப்பு எரிந்தும் மீதியிருந்த கம்பியை தூக்கி வீசினான் ஒரு சிறுவன், இன்னொருவனோ டேய் கண்ணை மூடி தூக்கி வீசற, பாத்துடா என்றான்.

மத உணர்வு, நம்பிக்கை இவற்றுக்கெல்லாம் மேலான ஒரு குதூகலத்தை தீபாவளி தருகிறது. பல பண்டிகைகள் இருந்தாலும், தீபாவளி அன்று நண்பர்களை போனில் அழைத்து வாழ்த்து சொல்வது தவறுவதில்லை. இனிப்பு வகைகள் பரிமாற்றம் , புத்தாடை என கொண்டாட்டத்திற்கு குறைவில்லை.தொலைக்காட்சியில் சிறப்பு நிகழ்ச்சிகள் வேறு, பட்டி மன்றத்தில் வாங்கய்யயா …என்று அழைக்கிறார்கள். பட்டாசுகளும், இனிப்புகளும்  தீபாவளியின் எக்ஸ்ட்ரா மகிழ்ச்சி.

Deepavali 2017

இந்த தீபாவளி எதற்காக கொண்டாடுகிறோம் என்பதில் ஒவ்வொருவரும் ஒவ்வொரு கதை சொல்வார்கள். தென்னிந்தியாவில் நரகாசுரன் என்ற கொடிய அரக்கனை கிருஷ்ணர் போரில் கொன்றதாகவும், அப்போது அவ்வரக்கன் தான் இறந்த நாளை அனைவரும் கொண்டாட வேண்டும் எனக் கேட்டுக் கொண்டதாகவும் சொல்வார்கள்.

வட இந்தியாவில், இராமன் இராவணனை வென்று, தன்னுடைய வனவாச காலத்தையும் முடித்து மீண்டும் நாடு திரும்பி மக்களை மகிழ்ச்சியில் ஆழ்த்திய நாள் என்பதாக சொல்லி கொண்டாடுகிறார்கள்.

இராமன், கிருஷ்ணர் இருந்தார்களா…இதெல்லாம் உண்மையா அல்லது கதையா என்பதையெல்லாம் மீறி, தீபாவளி புதிய பரிணாமம் பெற்று விட்டது என்பதாக நான் உணர்கிறேன்.

சிறுவர்கள் கலந்து பட்டாசு கொளுத்தி விளையாடுவது போலவே, வயது வந்தோரும், தங்கள் இன, மத, வர்க்க , சமூக பேதங்களை கடந்து மனிதர் மனிதனாக நட்பு பாராட்டி மகிழ்வதாக நான் உணர்கிறேன்.

நானும் மகிழ்ச்சியுடன் தீபாவளி கொண்டாடுகிறேன்.

கிருஷ்ணர் இருந்தது கதையோ, உண்மையோ தெரியாது, ஆனால் “சர்வ பூதானம் மைத்ர” – “எல்லா உயிர்களுடனும் நட்பு பாராட்டுபவனாக” -என்கிற கீதையின் வார்த்தையை தீபாவளியை கொண்டாடும் மக்கள் செய்து காட்டுவதாக, “கிருஷ்ணா, நீ சும்மா சொன்ன, நாங்க செய்தே காட்டுறோம் பாரு!” என்று சொல்வதாக அமையும்.

எல்லோரும் மகிழ்ச்சியுடனும் நட்புடனும் பேதமற்று சிரித்து இணையும்போது, நான் மட்டும் வெறுப்புடன் திட்டிக் கொண்டு இருக்க என் மனசாட்சி ஒப்புக் கொள்ளவில்லை. அந்த நட்பின் மகிழ்ச்சியில் நானும் தீபாவளி கொண்டாடுகிறேன்.

 

 


என்கிற நிலைமைக்கு கிட்டத்தட்ட கொண்டு வந்து விட்டார்கள்!

பட்டினத்தார், வள்ளலார் , அப்பர் , நாயன்மார்கள், ஆழ்வார்கள், சித்தர்கள் , முனிவர்கள் ..பலரும் வாழ்க்கையின் தத்துவங்களை ஆராய்ந்து சொன்ன அற்புதமான கருத்துக்கள் உள்ளன. பசு வழிபாட்டுக்கு உரியது என்பதுதான் மிக முக்கிய கோட்பாடு என்பது போல ஒரே ஆரவாரம் தேவையா?

பசு ஒரு சாதுவான பிராணி என்பது உண்மையே. நான் சிறுவனாக இருந்தபோது,  பக்கத்து தெரு அக்கா அலுவலகம் செல்லும்  வழியில் பசு மாட்டை பார்த்தால் அதை தொட்டு கண்ணில் ஒற்றிக்கொள்வதை ஆச்சரியத்துடன் பார்த்திருக்கிறேன்.

அவருடைய பக்தி உண்மையானது மட்டுமல்ல, பவ்யமானது, முக்கியமாக அடக்கமானது. அவர் மற்றவரும் பசுவை வணங்க வேண்டும் என்று எதிர்பார்க்க வில்லை. இதுதான் சிறப்பான பக்தி. இதை விட்டு மாட்டு மூத்திரம் நோய்களை குணப் படுத்தும், அதை குடிப்பது நல்லது என்ற வகையில் பிரச்சாரம் செய்வது எப்படி இருக்கிறது?

மாட்டு இறைச்சி சாப்பிடக் கூடாது, மாடுகளை இறைச்சிக்காக விற்கக் கூடாது என்கிறார்கள். மாட்டு இறைச்சி ஏற்றுமதியில் உலகின் முன்னணி நாடுக்ளில் ஒன்றாக இந்தியா இருக்கிறது.

http://www.thehindu.com/news/national/india-on-top-in-exporting-beef/article7519487.ece

முமுக்கியமான ஏற்றுமதியாளர்கள் பலரும் இந்துக்கள் என்று பத்திரிகையில் செய்திகள் வருகின்றனவே…அவர்களுக்கு எல்லாம் ஒரு பிரச்சினையும் இல்லை.

https://sabrangindia.in/article/who-making-millions-india-out-beef-export-muslims-think-again

அப்படியானால் என்ன அர்த்தம்? பல்லாயிரக் கணக்கான மாடுகளைக் கொன்று கோடி கோடியாக சம்பாரித்தால் சரி, ஒன்று இரண்டு மாடுகளைக் கொன்றால் அது பாவம் என்று இவர்கள சாஸ்திரத்தில் இருக்கிறதா?


இந்திய மக்களுக்கு மஹா அக்பரை பற்றி நன்றாக தெரியும்.

ஆனாலும் நாம் இங்கே கட்டுரை எழுத வேண்டிய விடயம் என்னவென்றால், தமிழ் ஹிந்து தளத்திலே அக்பரின் புகழின் மீது புழுதி வாரி இறைக்கும் பணி தொடர்ந்து நடை பெற்று வருகிறது. அதுவும் எப்படி? மூல நூலை எழுதிய புண்ணியவானாவது ” Who says Akbar is Great”  என்று கேள்வியை தலைப்பாக வைத்து இருக்கிறார்.

அதை மொழி பெயர்க்கும் நமது சகோதர தமிழ் கனவான்களின் மொழி பெயர்ப்பு எப்படி இருக்க வேண்டும் “யார் சொன்னது மஹா அக்பர் என்று?” என்றோ, அல்லது “மஹா அக்பர் என அழைப்பது சரியா?” என்றோ தலைப்பு வைத்திருந்தால் சரியான மொழி பெயர்ப்பாக இருந்திருக்கும்.

ஆனால் எப்படி வைத்திருக்கிறார்கள் என்று பாருங்கள். “அக்பர் என்னும் கயவன்” என்று !

http://www.tamilhindu.com/2017/09/%E0%AE%85%E0%AE%95%E0%AF%8D%E0%AE%AA%E0%AE%B0%E0%AF%8D-%E0%AE%8E%E0%AE%A9%E0%AF%81%E0%AE%AE%E0%AF%8D-%E0%AE%95%E0%AE%AF%E0%AE%B5%E0%AE%A9%E0%AF%8D-1/

இதுவா இலக்கண நேர்மை? இதுவா இலக்கிய பண்பாடு ? முதல் வாக்கியமே இப்படி இருக்கிறதே, தமிழத்தில் வன்மம் நிறைந்த சிந்தனை தொடர்கதை யாகுமோ என்கிற ஆதங்கம் உங்களுக்கு எழுகிறதா?

அக்பரின் சிறப்புகளை நாம் தொடர்ந்து எழுதுவோம் என்பதை தெரிவித்துக் கொள்கிறோம்!

 


Abu’l-Fath Jalal-ud-din Muhammad Akbar was one of the great Moghal emperor, who ruled India. Indian history has seen many great kings-leaders- politicians who prefers good principles and people’s welfare rather than allowing selfish desires occupy their hearts, e.g Ashoka the Great, Chathrapathi Shivaji, Mahathama Gandhi…etc

Akbar had a special position in Indian history- he was  at least ready to listen and understand the principles of other religions- this is more emphatic in the context that both his predecessors and successors did not practice this habit.

 

Akbar was from Islam religion, but he was interested to know about Hinduism, in this learning process, he himself established a new religion! This is the greatness! Two targets achieved in one shot- people of different religions can live together peacefully, at the same time, each and every person in the world has the right to establish their own religion to suit them.

This is also not tolerable to those “Gentlemen” who want to establish their religion as the only allowable religion, and who don’t want to keep any  small room any alternate!

Akbar the great Posthumously  became the target of many and the below referred article in Tamil language is one among them!

http://www.tamilhindu.com/2017/09/%E0%AE%85%E0%AE%95%E0%AF%8D%E0%AE%AA%E0%AE%B0%E0%AF%8D-%E0%AE%8E%E0%AE%A9%E0%AF%81%E0%AE%AE%E0%AF%8D-%E0%AE%95%E0%AE%AF%E0%AE%B5%E0%AE%A9%E0%AF%8D-1/

We would explain the importance  of  the experiments of Akbar the great on Religious front!


It was not totally unexpected ever since BJP came to power in India by 2014,that it would follow the “principle”s of  RSS, and other Parivar groups( Read as “Hindutva Fundementalists” to make things clear for western readers)!

Mr. Modi got a fantastic election victory in 2014, mainly because the ambitious indian people expected and wished that Mr.Modi would spur the industrial, technological, economical growth and thus bring more prosperity to all Indians.

Mr. Modi also tries to woo the foreign investors, try to put ” make in india’ agenda..etc…

How much forward is made in this direction is a matter to be analysed …but his friends(mentors?) at the parivar groups are working overtime to take back the indian society to stone age, by promoting intolerence in the soceity!

In what way the restrictions made in selling of cows is going to provide growth for India and Indians?

 

 

 


Share this blog

Facebook Twitter More...

Enter your email address to follow this blog and receive notifications of new posts by email.

Join 32 other followers

அண்மைய பின்னூட்டங்கள்

Top Rated

Categories

டிச‌ம்ப‌ர் 09