Thiruchchikkaaran's Blog

Archive for the ‘Uncategorized’ Category


தலை நகர் டில்லி புராரி பகுதியில் ஒரே குடும்பத்தை சேர்ந்த 11 பேர் ஒரே நேரத்தில் வீட்டில் கூரையில் உள்ள இரும்புக் கம்பியில் தூக்கிட்டு மரணம் எய்தி யுள்ளனர் . இந்தியா மட்டுமல்லாது உலகம் முழுவதும் அதிர்ச்சி அலைகளை உருவாக்கியுள்ளது இந்த சோக நிகழ்வு.

இந்த செய்தியைக் கேள்விப்பட்டவுடன் எதனால் இவர்கள் இப்படி தூக்கிட்டு தற்கொலை செய்து கொண்டனர்? தாங்க முடியாத கடன் சுமையா? கந்து வட்டி மிரட்டலா? அல்லது ஆதாயத்துக்காகவோ விரோதத்தினாலோ யாராவது பலவந்தமாக தூக்கில் மாட்டி தொங்க விட்டு கொலை செய்தனரா என்ற எண்ணம் பலருக்கும் தோன்றியது. நடந்தது என்ன?

பத்திரிக்கைகள் வெளியிட்ட செய்திகள் வருமாறு:

தாயார் நாராயண தேவி , அவரது மகன்கள் லலித் பாட்டியா,  பவனேஸ் பாட்டியா, மகள் பிரதிபா மற்றும் இவர்களின் பிள்ளைகள் உட்பட 11 பேர் ஒன்றாக ஒரே வீட்டில் தலை நகர் டில்லி புராரி பகுதியில் வசித்து வந்தனர். வீடு முதல் தளத்தில் இருக்க, தரைத்தளத்தில் ஒரு மாளிகைக்கு கடையும், ஒரு பிளைவுட் கடையும் வைத்து வியாபாரம் செய்து வந்துள்ளனர்.

இவர்களின் தந்தையும் , குடும்பத் தலைவருமான போபால் பாட்டியா 10 வருடங் களுக்கு முன் இறந்து விட்டார். அவரை இழந்து தடுமாறிய குடும்பம், வழிகாட்டுதலின்றி  பிரச்சனைகளை சந்தித்துள்ளது.

இந்த நேரத்தில் லலித் பாட்டியா பிரச்சினைகளுக்கு தீர்வு தேடி, இறந்த தந்தையுடன் ஆவியுடன் தொடர்பு கொள்வதாக சொல்லப் படும் முயற்சியில் ஈடுபட்டு இருக்கிறார். தந்தை தன்னுடன் பேசுவதாகவும் தனக்கு அறிவுரை தருவதாகவும் அவர் குடும்பத்தினர் அனைவரிடமும்  சொல்லி வந்து இருக்கிறார்

பொருளாதார பின்னடைவில் இருந்து விடுபட்டு இன்னும் அதிக கடைகள் என வியாபாரத்தில் முன்னேற்றம் எனக் குடும்பம் முன்னுக்கு வர, தான் தந்தையுடன் பேசியதால் அவர் அறிரையின் பேரில் செயல் பட்டதால் தான் வாழ்க்கையில் சிறப்பு வந்ததாக .குடும்பத்தின் அனைவரும் முழுமையாக நம்பம் நிலைக்கு கொண்டு வந்து இருக்கிறார்.

தன்னுடைய சடங்கு வழிபாட்டில் குடுமபத்தினர் அனைவரும் கலந்து கொள்ளும் நிலையை உருவாக்கினார். லலித் பாட்டியாவின் சகோதரி மகள் பிரியங்காவிற்கு ” செவ்வாய் தோஷம் ” இருந்ததால் திருமணத்திற்கு மாப்பிள்ளை கிடைப்பதில் சிக்கல் இருந்தது. பிரியங்காவிற்கு மாப்பிள்ளை கிடைத்து நிச்ச்சயதார்த்தமும் நடந்தது.

தன்னுடைய சடங்கு வழிப்பாட்டினால் தான் பிரியங்காவிற்கு வரன் கிடைத்தது என்றும், நன்றி தெரிவிக்கும் விதமாக, ஆவிகளுக்கு ஆலமர விழுதுகள் வடிவில் தொங்கி நன்றி செலுத்த வேண்டும் என்று முடிவு செய்தனர். அனைவரும் கையையும் வாயையும் கண்ணையும் கட்டி க் கொண்டு ஆலமர விழுதுகள் போல தூக்கில் தொங்க வேண்டும் என்றும்  என்றும் சடங்கு அமைக்கப் பட்டது.

ஆனால் தங்கள் மரணிப்போம் என்று அவர்கள் கருதவில்லை, தூக்கில் இட்டுக் கொண்டவுடன் கொண்டவுடன், ஆவிகள் வந்து தங்களைக் காப்பாற்றி, தங்கள் இன்னும் அதிக வலிமை உடையவர் ஆக்கப் படுவோம் என்று நம்பினார்.சடங்கு முடிந்தவுடன் ஒருவர் மற்றவரின் கைக் கட்டுகளை அவிழ்க்க உதவ வேண்டும் என்று குறிப்பு எழுதி உள்ளனர்.  மறுநாள் காலை உணவுக்கு பருப்பு வூரப் போட்டு வைத்திருந்தனர்.

மொத்தத்தில் நிரூபிக்கப் படாத ஒன்றின் மேல் நம்பிக்கை வைத்து தன் மொத்த குடும்பமும் தற்கொலை செய்யும் நிலையை உருவாக்கி விட்டார் , லலித் பாட்டியா

 

மத்திய மாநில அரசுகள் சரியான கல்வித் திட்டத்தைக் கொண்டு வந்து சுய நம்பிக்கையை வளர்த்து, மூட நம்பிக்கையை மனதில் புகை விடாத கல்வியைத் தராத வரையில் இந்தியா வில் தாந்திரீக, மாந்திரீக இன்ன பிற occult practices நீங்குவது கடினமே.

 

 

https://www.hindustantimes.com/delhi-news/burari-diaries-what-happened-in-the-house-where-11-of-family-were-found-dead/story-kUa5qSZhyNXQotEzPApHeL.html

Advertisements

பத்திரிக்கையாளர் கௌரி லங்கேஷ் கொலை வழக்கில் கைது செய்யப் பட்ட பரசுராம் வாக்மோரே என்பவர் போலீசிடம் வாக்குமூலம் அளிக்கும் போது, “மதத்தைக் காக்க கொலை செய் என்றார்கள்” என்று சொல்லி இருக்கிறார்!

இவரிடம் இப்படிக்கு கூறியவர் யார், அவர்களுக்கு இதையெல்லாம் செய்ய பணம் எங்கிருந்து வருகிறது , ஆயுதங்கள் எங்கிருந்து கிடைத்தன என்பதை எல்லாம் கர்நாடக காவல் துறை தீர ஆராய்ந்து உண்மையை வெளிக் கொணர வேண்டும்!

பரிவார இயக்கங்களின் பரிணாம வளர்ச்சியைப் பாருங்கள்.   மதத்தைக் காக்க விமரிசிப்பாளரைக் கொலை செய்ய வேண்டுமா?

இராமரின் மனைவியான சீதையின் ஒழுக்கத்தைக் குறை கூறி ஒருவர் பேசியபோது அதற்க்கு இராமரின் எதிர்வினை என்ன? விமரிசத்தவரைத் தண்டித்தாரா ? அல்லது குற்றமற்ற தன் மனைவிக்கும் , தனக்கும் துயரத்தை ஏற் படுத்திக்க கொண்டாரா?

இந்துக்களே விழிப்படையுங்கள்.  அமைதியான உங்கள் மதத்தில் வெறியுணர்ச்சி நஞ்சு பரவ அநுமதிக்காதீர்கள்!

 

https://timesofindia.indiatimes.com/india/i-killed-gauri-lankesh-to-save-my-religion-waghmore-to-sit/articleshow/64608133.cms

 

 


கோவில் திருவிழாவின் போது கால் மேல் கால் போட்டு உட்கார்ந்து இருந்தார்கள்  அதனால் தங்களுக்கு சாதி மேட்டிமை பங்கம், அவமரியாதை எனக் கருதி ,  சிவகங்கை மாவட்டத்தில் கச்சநத்தம் கிராமத்தில் கடும் தாக்குதல் நடத்தப் பட்டு மூவர் கொலை செய்யப் பட்டு விட்டனர்.

“பெரியார் , பார் அவர்தான் பெரியார்” எனப் புகழப்படும் தந்தை பெரியார் பிரச்சாரக் கொடி நாட்டிய அதே தமிழகத்தில் தான் சாதி அடிப்படையில் சக மனிதர் வாயில் பீ திணிப்பது, தக்குதல் நடத்துவது , வன்முறை, படுகொலை என துயரச் செயல்கள். சாவு நம் வீட்டிலே நடந்திருந்தால், நம் உறவினர் கொலை செய்யப் பட்டு இருந்தால் நமக்கு எப்படி வலிக்கும்?

ஒவ்வொரு மனிதனும் தன்னைப் போல அதே உணர்ச்சிகளை உடைய இன்னொரு சக மனிதன், நட்பும் நல்லெண்ணமும் காட்டப் பட வேண்டியவன் எனும் எண்ணம் தோன்றி பிறர் பெருமைப் படுத்தப் பாடுவதில் தான் மகிழ்ச்சி அடையும் நல்ல மன நிலைக்கு ஒருவர் உயர்த்தப் படுவதே நாகரீகம் ஆகும்.

சாதி, சாதி மேட்டிமை , சாதி வன்மம் இவை எல்லாம் சித்தாந்த அடிப்படை யில் ஒருவர் மனதில் நுழைக்கப் படுகிறது. எனவே மாற்று சித்தாந்தமான நல்லிணக்கம், நட்பு, நாகரீகம் மனிதாபிமானம் இவை எல்லாம் ஒருவர் மனதில் பயிற்றுவிக்கப் படுவதே சரியான மருந்தாகும்.

தமிழகத்தில் பெரியாரின் பிரச்சாரம் பார்ப்பனர்களின் சாதி ஆதிக்கம் மாற்றப் பட்டு, மற்ற சாதிகள் தங்கள் சாதி மேட்டிமை மூர்க்கத்தை விடாமல் தொடர உதவியதோ எஎன்பது நம் ஆதங்கம்.

பார்ப்பனர்களையும், இந்து மதத்தையும், இந்தியாவையும் , காங்கிரசையும் அடாவடி நடையில் விமரிசித்து எதிர்மறையான கண்டிப்பு கருத்துக்களையே தந்தை பெரியார் பிரச்சாரம் செய்து வந்தாரேயல்லாமல், ஆக்க பூர்வமான நட்பை உருவாக்கும் கருத்துக்களை அதிகம் காண இயலாது. அவரிடத்தில் அபிமானம் கொண்டவர்களும், அன்றிலிருந்து இன்று வரை அதையே செய்து வருகின்றனர்

தமிழகத்தில் பல கிராமங்களில் பார்ப்பனர்கள் என்றுமே இருந்ததில்லை.அங்கே எல்லாம் நல்லிணக்க நட்புக் கருத்துக்கள் போய்ச் சேரவேயில்லை. தமிழகத்தில் நல்லிணக்க நட்புக் கருத்துக்கள் முன் வைக்கப் படவேயில்லை.

பெரியார், பெரியார் என்று ஒற்றைச் சிந்தனையின் பின் செல்வது, மேலும் அதனால் அரசியல் அல்லது பொருள் லாபம் ஈட்டுவது , அதை உறுதிப் படுத்த இன்னும் அதிகமாக பெரியார் புராணம் பாடுவது என்கிற போக்கு அதிகமாகி மாற்றுச் சிந்தனைகளே இல்லாமல் ஆகி விட்டது .

ஆக்க பூர்வமாக எல்லா சமூகங்களும் நாகரிக நட்பு அடிப்படையில் ஒருவர் மற்றவரை மதிப்பது, ஒன்றாக இணைவது ஆகியவை பெரியாரின் தத்துவங்களில்  அதிகமாக இல்லை, சுத்தமாக இல்லை. எனவே பகுத்தறிவு, சமத்துவ சமூகம் இவற்றில் நாம் பாதிக் கிணறு தாண்டியவர்களாக இருக்கிறோம் என்பதை நாம் உணர்ந்து உண்மையான ஆக்கபூர்வமான சமத்துவ சிந்தனைகளை தொடங்குவோம். நீலிக் கண்ணீர் விடுவது விட்டு, நட்புக்கு கருத்தை நெஞ்சில் வைத்தால் உண்மையான கண்ணீர் சிந்தும் . அதுவே ஆரம்பம்.

https://deccanchronicle.com/nation/crime/300518/two-dalits-killed-in-attack-by-upper-caste-hindus.html

 


1977 ல் அரியலூரில் தமிழக அரசு சிமெண்ட் ஆலையை நிறுவியது. சிமெண்ட் ஆலை ஆரம்பித்தவுடன் அதில் இருந்து வெளியாகும் புகை அப்பகுதியில் இருக்கும் மரங்களின் இலைகளில் படியத் துவங்கியது.

அதற்கு முன்பாக எல்லாம் பள்ளி , கல்லூரிகளில் மழைக் காலங்களில் யாராவது மரத்துக்கு கீழே நின்றால் , மரத்தின் கிளையை வேகமாக ஆட்டி விட்டு ஓடுவோம்…அந்த மரத்தின் இலைகளில் இருக்கும் தண்ணீர் துளிகள் ஷவர் போல கீழே இருப்பவர் மேல் கொட்டி அவர்களின் ஆடையில் முகத்தில் நீரைத் தெளிக்கும். சிமெண்ட் ஆலை வந்த பிறகு மழை பெய்வதற்கு காத்திருக்க வேண்டியதில்லை.எப்போது கிளையை இழுத்தாலும் மரத்தில் இருந்து சிமெண்ட் பவுடர் போல ஒன்று கொட்டும். இது எங்களுக்கு அச்சத்தை உண்டாக்கியது.

ஆனாலும்  அந்த ஆலையை நாங்கள் வரவேற்றோம். ஏனெனில் அதற்கு முன் அரியலூரில் நாங்கள் பார்த்த ஆலைகள் எண்ணெய் ஆட்டும் செக்கு, மாவு அரைக்கும் இயந்திரம், நெல் அரைக்கும் ரைஸ் மில் இவைதான். சிமெண்ட் ஆலை கட்டும் போது அதன் ஜா கிரஷர் (Jaw Crushers)எனப் படும் மிகப் பெரிய உருளை இயந்திரத்தை பார்த்து மிகுந்த வியப்படைந்தோம். பக்கத்து வீட்டு அண்ணன்  ஆலைக்கு வேலைக்கு செல்ல ஆரம்பித்து, ஆரம்பித்தார். அவர் சைக்கிளில் ஏறும் போது எங்களை பார்த்து சிரிக்க ஆரம்பித்தார். அவர் சிரித்ததை அப்போதுதான் முதன் முறையாக பார்த்தோம். கையை ஆட்டுவோம். சைக்கிளை நிறுத்தி பக்கத்து பெட்டிக் கடையில் எங்களுக்கு மிட்டாய் வாங்கிக் கொடுத்து விட்டு ஆலைக்கு வேலைக்கு செல்வார். இன்று வரையில் அரியலூரில் சிமெண்ட் ஆலை இயங்கிக் கொண்டுதான் இருக்கிறது. சிமெண்ட் ஆலையால் நிச்சயம் சுற்றுச் சூழல் மாசு தான் . ஆனால் என் நண்பர்கள் பலரும் ஆரோக்கியமாக இருக்கிறர்கள். சிமெண்ட் தொழிலை ஒட்டிய சிமெண்ட் பைப் போன்ற தொழில்களில் ஈடுபட்டு வருகின்றனர். இயற்கைக்கு நன்றி. அதற்குப் பின் இன்னும் சில தனியார் சிமெண்ட் ஆலைகளும் தொடங்கப் பட்டு விட்டன

அரியலூரில் ஆலைக்கு எதிராக போராட்டம் எதுவும் நடைபெற்றதில்லை. இத்தனைக்கும் அரியலூர் தீவிரவாத பகுதியாக கருதப் பட்ட இடமாகும். 1987ல் மருதையாற்றின் குறுக்கே இருந்த ரயில்வே பாலத்தை குண்டு வைத்து தகர்த்து , ராக் போர்ட் எக்ஸ்பிரஸ் விழுந்து விட்டது.

அரியலூரோடு ஒப்பிடும்போது தூத்துக்குடி பலவகையிலும் முன்னேறிய நகரம். நான் ஓரிரு முறை தூத்துக்குடிக்கு சென்று இருக்கிறேன்.

தென் தமிழகத்தில் இதற்கு முன் நடந்த போராட்டம் கூடங்குளம் போராட்டம் ஆகும். மிகவும் அடர்த்தியான போராட்டமாக அது இருந்தது. அணு ஆலைக்கான முயற்சி கைவிடப் படும் என்றே கருதினேன். ஆனாலும் மத்திய மாநில அரசுகள் உறுதியாக இருந்து அணு உலையை நிறுவி இன்றைய தேதியில் 1000 மின்சாரம் உற்பத்தி செய்கிறார்கள். அணு உலையில் ஆபத்து இல்லையா என்று கேட்காதீர்கள் …ஆபத்து இருக்கிறது…அதையும் கட்டுக்குள் வைத்து உலக நாடுகளில் அணு சக்தி மூலம் மின்சாரம் உற்பத்தி செய்து கொண்டுதான் இருக்கிறார்கள். பிரான்ஸ் நாட்டில் 70% மின்சாரம் அணு சக்தி மூலம் தயாராகிறது.

கல்பாக்கத்தில் அணு உலை நிறுவும் போது போராட்டம் இல்லை. கூடங்குளம் பகுதியில் மட்டும் என் இந்த அளவுக்கு ஆக்ரோஷமான போராட்டம்?

தென் தமிழகத்தில்  ஆலைகளுக்கு எதிரான போராட்டங்கள் அதிகமாக இருக்கக் காரணம் என்ன?

நாங்கள் வாழும் இடத்தில் என்ன இருக்க வேண்டும் என்பதைத் தீர்மானிக்க வேண்டியது நாங்கள் தான்…இது எங்கள் பூமி …என்று சொல்வதில் என்ன தவறு..இது நியாயம்தானே..!

ஆனால் இதை முதலிலே சொல்லி விட்டால் பல பிரச்சினைகள் தீர்ந்து விடும்..எதை முதலில் சொல்ல வேண்டும்..?

இங்கே மாநில, மத்திய அரசாங்கங்கள் இருக்கின்றன … அவற்றால் நடத்தப் படும்  பல்வேறு அலுவலகங்கள் உள்ளன..இவற்றிடம் எல்லாம் அனுமதி பெற்றால் போதாது…எங்களிடமும் அனுமதி பெற்றுத்தான் நீங்கள் தொழில் துவங்க வேண்டும்..என்றால்..யார் யாரிடம் அனுமதி கேட்க வேண்டும்..?.ஒவ்வொரு வீட்டிலும் வாயிலில் நின்று அவர்களின் கருத்துக்களைக் கேட்டு அனுமதி பெற வேண்டு…அல்லது வூர் பஞ்சாயத்தில் அனுமதி பெற வேண்டுமா? ஏதாவது இயக்கங்களிடம் அனுமதி பெற வேண்டுமா? எந்த இயக்கங்கள் ? யார் தலைமை? மக்களால் தேர்ந்தெடுக்கப் பட்ட இயக்கமா? அல்லது தானாக உருவான தலைமையா?

மக்களால் தேர்ந்தெடுக்கப் பட்ட தலைமை என்றால், அவர்கள்தானே ஆட்சி செய்கிறார்கள் ? அந்த அரசின் அனுமதியைப் பெற்றுத் தானே தொழில் துவங்குகிறார்கள் ? அது போதாதா ?

போதாது என்றால் இன்னும் யாரிடம் எல்லாம் அனுமதி கேட்க வேண்டும் ? யார் என்றே தெரியாது..ஆயிரம் பேர் அல்லது ஐந்தாயிரம் பேர் எப்போது கூடுவார்கள், எந்த வேகத்தில் எதிர்ப்பார்கள்…அதன் விளைவு என்ன ஆகும் என்று கணிக்க முடியாது. இவ்வளவையும் எதிர் கொண்டு தொழில் நடத்த வேண்டும், தொழில் முனைவோர் தங்கள் பணத்தையும் நேரத்தையும் சிரமத்தையும் செலவிட்டு, அதற்க்கு பிறகும் இவ்வளவு பிரச்சினைகளை சந்திக்கத் தயாராக இருப்பார்களா?

கழிவு சுத்திகரிக்கப் படுகிறதா என்பதைக் கண்காணிக்கும் பொறுப்பு சுற்றுச் சூழல் துறைக்குத் தானே இருக்கிறது ? அதில் பணி யாற்றுபவர்கள் அந்த துறையில் திறமை பெற்றவர் தானே?

 

 


  • வட மாநிலங்களில் தொடர் தோல்விகளை  பி.ஜெ.பி சந்தித்து வரும் நிலையில் எதிர் வரும் நாடாளுமன்ற தேர்தல் முடிவுகள், பல கட்சிகளும் பங்கு போடும் ஆட்சியை உருவாக்கும் வாய்ப்புகள் அதிகம்.

அப்போது பிரதமராக யார் வருவார் என்பது யாராலும் எளிதில் கணிக்க முடியாது.

இருப்பினும் இவர்களை வாய்ப்புள்ளவர்களாக கருதலாம்.

1.செல்வி.மம்தா பானெர்ஜி

2.செல்வி.மாயாவதி

3.திரு.நிதிஷ் குமார்

4.திரு.அகிலேஷ் யாதவ்,

5.திரு.முலயாம் சிங் யாதவ்

6.திரு.அஜித் சிங்

7.செல்வி.மெஹபூபா

8.திரு. உமர் அப்துல்லா

9.Thiru.ஷரத் பவார்

10.Thiru.தேவ கவுடா

11.Thiru.சந்திர சேகர ராவ்

12.Thiruசந்திர பாபு நாயுடு

13Thiru.சீதாராம் யெச்சூரி,

14Thiru.கரத்,

15.திருமதி.பிருந்தா கரத்,

16.Thiru.மு.க. ஸ்டாலின்,

17.செல்வி.கனி மொழி,

18.திரு.ராகுல் காந்தி ,

19.திரு.மன்மோகன் சிங்

20.திரு.நரேந்திர மோடி,

21.திரு.அமித் ஷா

22.திரு.தேஜஸ்வி யாதவ்

23.திருமதி.ராப்ரி தேவி

24.திரு. பாரூக் அப்துல்லா

25.திரு.பிணராயி விஜயன்

26.திரு. உத்தவ் தாக்கரே ,

27. திரு. ராஜ் தாக்கரே

28. திரு. உவைஸி

29.திரு.அரவிந்த் கெஜ்ரிவால்

 

 

ஆகியோரை வாய்ப்புள்ளவர்களாக கருதலாம்

இவர்களோடு

29.திரு.எடப்பாடி பழனிச்சாமி ,

30.திரு. ஓ .பன்னீர் செல்வம் ,

31.திரு.தினகரன்

ஆகியோரையும் வாய்ப்புள்ளவர்களாக கருதலாம்.

இன்னும்,

32.திரு.விஜய காந்த்

33.திரு. அன்புமணி ராமதாஸ் ,

34.திரு. திருமாவளவன்,

35.திரு. வைகோ

36.திரு.ஜி.கே .வாசன்

37.திரு. சரத் குமார்

ஆகியோரையும் வாய்ப்புள்ளவர்களாக கருதலாம்.

இன்னும் இருவரையும் சேர்த்து சொல்ல வேண்டியுள்ளது!

38.திரு. கமல ஹாசன்,

39.திரு. ரஜினி காந்த்

நல்லது, காசே கொடுக்காமல்  கூவி விட்டேன்!

 

 

 

 


நல்ல வேளை நான் ஒரு  ஸ்டாராக இல்லை.

இமேஜை நிலை நிறுத்திக் கொள்ளவும், மக்கள் தொடர்புக்காகவும், ஒரு வேளை பின்னால் உதவக் கூடிய அரசியல் ஆதாயத்திற்காகவும், போகாமலே இருக்கலாம் என்றாலும் எல்லோரும் சேர்ந்து இந்த ஆள் போய்ப் பார்க்கலை என்று வைவார்களே என்று பயந்தும்,

முன் பின்  அறிமுகம் இல்லாதவரைப் பார்த்து ஆறுதல் சொல்ல வேண்டிய அவசியம் இல்லை.

நக்கல் நையாண்டிக்கு ஆளாக்கப் பட்டுத் திரும்ப வேண்டிய நிலையும் இல்லை!


குடிக்கக் கஞ்சி இல்லாமல் குழந்தைகள் அழுகையில், கையில் முகத்தைப் புதைத்து நிலை குலைந்திருப்பான் அப்பாவி ஏழை..அவனைக் காணும் போது உள்ளத்தில் அப்படி ஒரு உணர்ச்சி பொங்கி அந்த ஏழையின் துயர் துடைக்க வேண்டும் என்று எண்ணுவான் பாருங்கள் –  அவன்தான் சரியான கம்யூனிஸ்ட்!

நாங்கள் மாணவராக இருந்தபோது “கம்யூனிஸ்ட் என்றால் ஆட்குறைப்பு , ஆலை மூடலை எதிர்த்து போராடுவது” என்பதுதான் அறியப் பட்டது.

கல்லூரி முடித்து பணியில் சேர்ந்தோம். நான் ப்ராஜெக்டில் பணியில் இருந்ததால் இயந்திரத்தின் ஒரு பகுதியை வாங்க ஆலைக்கு சென்று இருந்தேன். தொழிற்சாலையை சுற்றி வேடிக்கை பார்த்தேன் சிலர் வேலை செய்யாமல் பேசிக் கொண்டே நின்றனர் . சிறுது நேரம் ஆயிற்று . ஒரு பெரியவர் வந்தார். அங்கே வந்து மேலாளர்களைப் பார்த்து பேசி விட்டு வெளியே வந்தார். பேசிக் கொண்டிருந்தவர்களைக் கூப்பிட்டார் , “இன்னுமா பேசிக்கிட்டே இருக்கீங்க, வேலையை பாருங்கப்பா ..இந்த வேலையை விட்டா உங்க குடும்பத்தை யாரு காப்பாத்துவாங்க” என்றார். அவர் தான் தோழர்  திரு V P சிந்தன். இதில் வருத்தம் என்னவென்றால் அந்த ஆலை நஷ்டத்தை தாங்காமல் மூடி விட்டது. அவர் சொன்ன மாதிரியே வேலையற்று தவிக்கும் நிலை உருவானது. ஆனால் தோழர்  திரு சிந்தன் அந்த நேரத்தில் மறைந்து விட்டார்.

தொழிற்சாலை இல்லாவிட்டால் எங்களுக்கு வாழ்வு ஏது ?

பள்ளிக்கு அடுத்த இரண்டாம் வீடு எங்களுக்கு தொழிற்சாலைதான். ஆலையின் சங்கு எங்கள் செவிக்கு இனிய நாதம்! ஆலையின் இயந்திரங்கள் , அதில் இருக்கும் மரங்கள் , எப்போதும் மாறாமல் மூலையில் இருக்கும் டிரம், தொழிற்சாலையின் ஒவ்வொரு இன்ச்சும் எங்களுக்கு அத்துப்படியான ஸ்நேகிதங்கள். அந்த ஆலையை மூடினால், எங்கள் வாழ்க்கையும் முடியதுதான்.

கழிவுகளை சுத்திகரித்து வெளியேற்று என்றால் நியாயம். ஆலையையே மூடு என்றால், இதில் உள்(ள )நோக்கம் என்ன? 

கம்யூனிசத்தை சரியாகப் புரிந்த கொண்டவர் எவரும் ஆலையை மூடு என்ற வார்த்தைக்கு கேட்டவுடன் வெகுண்டெழுந்து ஆலையை நடத்து என்று சொல்வாறாயல்லாமல் தாங்களும் சேர்ந்து ஆலையை மூடு என சொல்ல மாட்டார்கள் .

 

 

 

 

 

 

 


Share this blog

Facebook Twitter More...

Enter your email address to follow this blog and receive notifications of new posts by email.

Join 39 other followers

அண்மைய பின்னூட்டங்கள்

Top Rated

Categories

டிச‌ம்ப‌ர் 09

Advertisements