உருவ வழிபாட்டை வெறுக்க வேண்டிய அவசியம் இல்லை! மத நல்லிணக்கம் என்பது என்ன? பகுதி- 2

Posted by: thiruchchikkaaran on: May 24, 2010

• In: Uncategorized
• 202 Comments

  உருவ வழிபாடு செய்வது தொடர்பாக சில பின்னூட்டங்கள், நம்முடைய தளத்திலே பதிவு செய்யப் பட்டுள்ளன.

மத நல்லிணக்கம் என்பதன் முக்கிய காரணிகளுள் ஒன்றாக   பிற மதத்தவரின்  வழிபாட்டு முறைகளை வெறுக்காமல் இருப்பதும் இருக்கிறது. 

அந்த வகையிலே உருவ வழிபாடு தொடர்பான   பின்னூட்டங்களை இங்கே நாம் கட்டுரையாக வெளியிட்டு இருக்கிறோம்.

    

 

தனபால்

நான் உருவமுள்ள எந்த கடவுளையும் கர்த்தரோடு ஒப்பிடவில்லையே!!! எல்லையற்ற கருணையும், எல்லையற்ற அன்பும், எல்லையற்ற சக்திகளையும் கொண்ட உருவமில்லாத கடவுளைத் தானே கர்த்தர் என்றும்,அல்லாஹ் என்றும்,பிரம்மம் என்றும் கூறினேன்.!!!

இப்பொழுதுள்ள உலகில் உள்ள பழைய மதங்கள் அனைத்திலுமே ஆபாச கருத்துக்கள் நிறைந்துள்ளது.அதில் கிருஸ்தவ மதமும் அடங்கும் என்பதை உங்களுக்கு நினைவு படுத்த விரும்புகிறேன்.

_______________________

Murugan,//என்று திரு CHILLSAM கேட்கிறீர்கள்..நான் உருவமுள்ள எந்த கடவுளையும் கர்த்தரோடு ஒப்பிடவில்லையே!!! எல்லையற்ற கருணையும், எல்லையற்ற அன்பும், எல்லையற்ற சக்திகளையும் கொண்ட உருவமில்லாத கடவுளைத் தானே கர்த்தர் என்றும்,அல்லாஹ் என்றும்,பிரம்மம் என்றும் கூறினேன்.!!!//

இது உருவமுள்ள கடவுள்களை குறைத்து சொல்லுவது போல இருக்கிறது. உருவமுள்ள கடவுள்கள் கருணையிலோ அன்பிலோ, சக்தியிலோ எதிலுமே குறைந்தவர்கள் இல்லை.

//இப்பொழுதுள்ள உலகில் உள்ள பழைய மதங்கள் அனைத்திலுமே ஆபாச கருத்துக்கள் நிறைந்துள்ளது.//

மற்ற மதங்களைப் பற்றி நான் சொல்லிக் கொள்ள விரும்பவில்லை. ஆனால் உலகின் மிகப் பழமையான மதம் இந்து மதம், அதிலே ஆபாசக் கருத்துக்கள் எதுவும் இல்லை.

____________________________

தனபால்,  திரு முருகன் அவர்களே,

///இது உருவமுள்ள கடவுள்களை குறைத்து சொல்லுவது போல இருக்கிறது. உருவமுள்ள கடவுள்கள் கருணையிலோ அன்பிலோ, சக்தியிலோ எதிலுமே குறைந்தவர்கள் இல்லை///

உண்மையிலேயே நான் உருவமுள்ள கடவுளை குறைத்து சொல்லவில்லை.அனைத்துக் கடவுளும் ஒன்றே என்பதை ஏற்றுக்கொள்ளும் முதல் படி உருவமில்லாத கடவுளை ஏற்றுக் கொண்டாலே மதமாற்றம், மற்றும் என் கடவுள் மட்டுமே உண்மை என்பது போன்ற வெறுப்பை தூண்டும் தன்மை குறையும்..அவர்கள் நம் உருவக் கடவுளை ஏற்றுக் கொள்வதை விட உருவமில்லாத கடவுளை ஏற்றுக் கொள்வது எளிதாக இருக்கும் என்று கருதியே அவ்வாறு குறிப்பிட்டேன்.

///மற்ற மதங்களைப் பற்றி நான் சொல்லிக் கொள்ள விரும்பவில்லை. ஆனால் உலகின் மிகப் பழமையான மதம் இந்து மதம், அதிலே ஆபாசக் கருத்துக்கள் எதுவும் இல்லை///

நீங்கள் கூறுவது உண்மை தான்.பௌத்தர்கள் காலத்தில் மிக மோசமான அருவருப்பான ஆபாசக் கருத்துக்கள்,மற்றும் காட்டுமிராண்டித் தனமான சடங்குகள் நம் இந்து மதத்தில் புகுத்தப் பட்டன.அதைப் பற்றி விவேகானந்தர் பல இடங்களில் கூறியுள்ளார்.

______________________________

 

thiruchchikkaaran,

அன்புக்குரிய திரு. தனபால் அவர்களே,

உருவ வழிபாடு, உருவமற்ற வழிபாடு பற்றிய என்னுடைய கருத்துக்களை பகிர்ந்து கொள்கிறேன்.

மத நல்லிணக்கத்தில் நீங்கள் காட்டும் முனைப்பை மனமாரப் பாராட்டுகிறேன். மற்ற அனைவருக்கும் நீங்கள் ஒரு எடுத்துக் காட்டாக இருக்கிறீர்கள்.

ஆனால் நீங்கள்

// முதல் படி உருவமில்லாத கடவுளை ஏற்றுக் கொண்டாலே மதமாற்றம், மற்றும் என் கடவுள் மட்டுமே உண்மை என்பது போன்ற வெறுப்பை தூண்டும் தன்மை குறையும்.. //

என்று சொல்கிறீர்கள் , நீங்கள் சொல்வதன் முழு பரிமாணத்தையும் நீங்கள் அறிந்து இருக்கிறீர்களா?

யூத மதத்தினர், இஸ்லாமியர்கள் இவர்கள் இருவருமே உருவமற்ற நிலையிலே மட்டுமே கடவுள் இருக்க முடியும் என்கிற ஒரு கருத்திலே மிக உறுதியானவர்கள். அதுவும் ஒரே கடவுள் – உருவமற்றவர் என்கிற கொள்கையை யூதர்களும், இஸ்லாமியரும் வைத்து உள்ளனர். அவர்களின் கடவுளின் பெயர் கூட கிட்டத்தட்ட ஒன்றுதான். யூதர்கள் யெஹோவா என்ற பெயரிலும், ஏலோ என்ற பெயரிலும் கடவுளை அழைத்தனர். இஸ்லாமியர் அல்லா என்று அழைக்கின்றனர். அப்படியிருந்தும் உலகிலே மிக கடுமையாக யூதர்களும், இஸ்லாமியர்களும், ஒருவருக்கொருவர் பகைமையும் வெறுப்பும் உடையவராக இருக்கின்றனர். நீங்கள் சொன்னது போல உருவமில்லாத கடவுளை ஏற்றுக் கொண்டாலே, உருவமில்லாத கடவுள் கொள்கை வெறுப்பை குறைக்கவில்லையே!

//அவர்கள் நம் உருவக் கடவுளை ஏற்றுக் கொள்வதை விட உருவமில்லாத கடவுளை ஏற்றுக் கொள்வது எளிதாக இருக்கும் என்று கருதியே அவ்வாறு குறிப்பிட்டேன்.//

முதலில் உருவமில்லாத கடவுளை வணங்குவதை இந்துக்கள் யாரும் ஆட்செபித்ததாகவோ, தடை செய்ததாகவோ, எதிர்த்ததாகவோ தெரியவில்லை. இந்துக்கள் மசூதிக்கும் , சர்ச்சுக்கும் சென்று வழிபடுகிறார்கள், அது நல்லதே என்று சுவாமி விவேகானந்தரே சொல்லி இருக்கிறார்.

//அவர்கள் நம் உருவக் கடவுளை ஏற்றுக் கொள்வதை விட உருவமில்லாத கடவுளை ஏற்றுக் கொள்வது எளிதாக இருக்கும் என்று கருதியே அவ்வாறு குறிப்பிட்டேன்.//

நான் மத நல்லிணக்கம் பற்றிய கட்டுரையில் தெளிவாக சொல்லி இருக்கிறேன். யாரையும் எந்தக் கடவுளையும் ஏற்றுக் கொள்ளச் சொல்லி, நாம் கட்டாயப் படுத்தவில்லை.

மத நல்லிணக்கத்தின் முதல் படி, பிறரின் வழிபாட்டு முறைகளை, பிற மதத்தினரின் தெய்வங்களை வெறுக்காமல் இருப்பது என்பதுதான்.

இரண்டாம் படி பிற மதத்தினரின் விழாக்களில் கலந்து கொள்வது.

மூன்றாம் படிதான் பிற மதத்தினரின் தெய்வங்களையும் கருத்தியல் அடிப்படையிலே புரிதல் செய்து மதிப்பது , மரியாதை செய்வது.

//அவர்கள் நம் உருவக் கடவுளை ஏற்றுக் கொள்வதை விட உருவமில்லாத கடவுளை ஏற்றுக் கொள்வது எளிதாக இருக்கும் என்று கருதியே அவ்வாறு குறிப்பிட்டேன்.//

(சுவாமி விவேகானந்தர் சொல்லியவற்றை சாய்வெழுத்துக்களில் குறிப்பிட்டு இருக்கிறேன். )
முதலில் எந்த ஒன்றையும் மனம் ஒரு பொருளுடன் சம்பந்தப் படுத்தியே பார்க்கிறது. எல்லையற்ற , உருவமற்ற என்றால் கூட மனம் எல்லையற்றது என்பதாக வான் வெளியை நினைக்கிறது. உருவமற்ற நிலையில் வழிபட முடியாது என்று நான் சொல்லவில்லை. உருவத்திலே மனக் குவிப்பு செய்வது எளிதானது. பெரியாரையோ, காமராசையோ, காந்தியையோ மனதில் நினைத்தவாறே மனக் குவிப்பு செய்து பாருங்கள். முதல் ஒரு வாரம் தினமும் 5 நிமிடங்கள் மனக் குவிப்பு செய்ய இயலும். அடுத்த வாரம் 10 நிமிடங்கள் மனக் குவிப்பு செய்யக் கூடும். ஆறு மாதம் கழித்தால் ஒரு மணி நேரம் கூட அதே உருவத்திலே மனக் குவிப்பு செய்யும் திறனை ஒருவர் பெறக் கூடும். நீங்கள் எல்லையற்ற , உருவமற்ற என்ற ஒரு நிலையிலே மனக் குவிப்பு செய்யச் சொல்லுங்கள். எல்லோராலும் அது இயலாது. அதிக நேரம் மனக் குவிப்பு செய்வது கடினம் .             மத நல்லிணக்கம் என்பது சகஜமாக பழகுவது, சகிப்புத் தன்மை, புரிதல் செய்ய முயற்ச்சி செய்தல், இணக்கமான அணுகுமுறை ஆகியவையே. நீங்கள் சொல்வது வேறு வகையாக இருக்கிறது. அது அவர்கள் நல்லிணக்கத்திற்கு வர மாட்டார்கள், அதனால் நான் அவர்கள் சொல்வதைக் கேட்கிறேன் என்பது போல இருக்கிறது, இது முரட்டுப் பிடிவாதக் கருத்துக்களுக்கு அடிபணிவது போன்றதே.

நான் உருவ வழிபாடு செய்யச் சொல்லி கட்டாயப் படுத்தவில்லை, உருவ வழி பாட்டை வெறுக்க வேண்டாம், வெறுக்க வேண்டிய அவசியம் இல்லை என்பதுதான் நான் சொல்வது.                  உருவமற்ற முறையில் கடவுள் இருப்பதாகக் கருதி வழிபடுகிறானோ, உருவத்தைக் கடவுளாகக் கருதி வழி படுகிறானோ, தன்னையே கடவுளாக நினைத்து வழிபடுகிறானோ, எப்படியோ அமைதியாக வழிபட்டால் சரி.உருவமற்ற பொருளாக கடவுள் இருப்பதாக கருதி வழிபடுபவன், உருவத்தை வழிபடுபவனை இழிவாக நினைக்கவோ, அவனை வெறுக்கவோ அவசியம் இல்லை.உருவமற்ற கடவுளுக்கும் நிரூபணம் இல்லை, உருவம் உள்ள கடவுளுக்கும் நிரூபணம் இல்லை.

அப்படி இருக்கும் போது அடுத்தவரின் வழிபாட்டை வெறுத்தால், அந்த வெறுப்பு தானாகவே மோதலை, சண்டையை, போர்களை உருவாக்கி பல கோடி மக்களின் உயிரைக் குடித்து இரத்த ஆறு ஓட விடுகிறது. எனவே நம்பிக்கையாளர்கள் அமைதியாக கடவுளை வணங்குங்கள் என்றுதான் கேட்டுக் கொள்கிறோம்.

உருவ வழிபாட்டை மட்டும் ஒத்துக் கொள்ள முடியாது என்று சொல்வது எப்படி சரியாகும். உருவமல்லாத கடவுளுக்கு மட்டும் நிரூபணம் இருக்கிறதா? இல்லையே அப்படி இருக்கும் போது உருவ வழி பாட்டை மட்டும் கட்டம் கட்டித் தாக்க வேண்டிய அவசியம் என்ன?

கடவுள் என்று ஒருவர் இருக்கிறார் என்றால், அவர் எல்லாம் வல்லவர் என்றால் , தனக்கு தேவைப் படும் போது , தனக்கு தேவைப் படும் வடிவத்தை அவர் எடுத்துக் கொள்ளும் வலிமை அவருக்கு இல்லையா? அதற்க்கு நம் அனுமதியை அவர் பெற வேண்டுமா?

உருவ வழிபாட்டை மட்டும் ஒத்துக் கொள்ள முடியாது என்று ஒருவர் சொல்கிறார் என்றால், அவர்

முதலில் கடவுள் என்று ஒன்று இருப்பதை காட்ட வேண்டும்,

பிறகு கடவுள் உருவம் இல்லாத நிலையில் மட்டுமே இருக்கிறார் என்பதையும் காட்ட வேண்டும்,

பலருக்கும் உருவத்தை அளிக்கும் அவர் தனக்கு ஒரு உருவத்தை எடுத்துக் கொள்ளும் சுதந்திரம் இல்லாத நிலையில் இருக்கிறார் என்பதையும் நிரூபிக்க வேண்டும்.

இத்தனையும் நிரூபித்து விட்டு அவர்கள் உருவ வழிப்பாட்டை மட்டும் ஒத்துக் கொள்ள முடியாது என்று சொன்னால் அதை நாம் ஒத்துக் கொள்ளலாம்.

மேலும் உருவ வழிபாடு ஒருவனுக்கு ஒரு உருவத்திலே மனத்தைக் குவித்து, தன் புலன்களை அடக்கி, சிந்தனையை ஒரே இடத்திலே செலுத்தும் பயிற்ச்சிக்கு உதவக் கூடும் என்று கூறப் படுவதை நாம் மறுக்க இயலாது.

உருவ வழிபாட்டை கண்டித்து , எள்ளி நகையாடி முழு நாத்தீகராக திகழ்ந்த பகுத்தறிவாளரான விவேகானந்தர், தான் உருவ வழி பாட்டின் மூலம் மிக உயரிய ஆன்மீக நிலையை அடைந்த ஒருவரின் ( இராம கிருஷ்ணர்) மூலமே தான் மிகப் பெரிய உண்மைகளை உணர்ந்ததாகக் கூறியுள்ளார். ஒரு உருவத்தை நினைத்து தியானம் செய்வது மிகச் சிறந்த மனக் குவிப்பு பயிற்ச்சிகளில் ஒன்றாக இருக்கிறது என்பதையே நான் சுட்டிக் காட்ட விரும்புகிறேன்

____________________________

Hard Truth,  Said:

//உருவத்திலே மனக் குவிப்பு செய்வது எளிதானது. பெரியாரையோ, காமராசையோ, காந்தியையோ மனதில் நினைத்தவாறே மனக் குவிப்பு செய்து பாருங்கள். முதல் ஒரு வாரம் தினமும் 5 நிமிடங்கள் மனக் குவிப்பு செய்ய இயலும். அடுத்த வாரம் 10 நிமிடங்கள் மனக் குவிப்பு செய்யக் கூடும். ஆறு மாதம் கழித்தால் ஒரு மணி நேரம் கூட அதே உருவத்திலே மனக் குவிப்பு செய்யும் திறனை ஒருவர் பெறக் கூடும். நீங்கள் எல்லையற்ற , உருவமற்ற என்ற ஒரு நிலையிலே மனக் குவிப்பு செய்யச் சொல்லுங்கள். எல்லோராலும் அது இயலாது. அதிக நேரம் மனக் குவிப்பு செய்வது கடினம்.//

தெய்வத்தை வணங்குவதற்கும் மனக்குவிப்புக்கும் என்ன சம்பந்தம்? ஒருவருடன் பேச நாம் அவர்மேல் நம் மனதை குவிக்கவேண்டுமா? நான் பல பேருடன் தொலைபேசியில் பேசுகிறேன். அவர்கள் உருவம் எனக்கு ஒரு பொருட்டல்ல. என்னை விடுங்கள், இந்தியாவில் பலர் callcenter வேலை செய்கிறார்கள். பலபேருடன் பலநாட்டினருடன் தொடர்பு கொள்கிறார்கள், அவர்கள் அந்த மக்கள் படங்களை வைத்து மனக்குவிப்பு செய்கிறார்களா?
நீங்கள் மனக்குவிப்பு பயிற்சி செய்வதையும் இறைவனிடம் பிரார்த்தனை செய்வதையும் குழப்பிகொள்கிரீர்கள் என்றே நினைக்கிறேன்.
Hard Truth

thiruchchikkaaran,  Said:

ஒருவர் தெய்வத்தை வணங்குவது என்றால் என்ன, அந்த தெய்வத்தை நினைத்து வேண்டுவது, அந்த தெய்வத்திடம் மனக் குவிப்பு செய்வது என்பதே. வழிபாடாக இருந்தால் அதற்க்கு மனக் குவிப்பு வேண்டாமா? மனக் குவிப்பு இல்லாமல் எப்படி வழிபாடு செய்ய முடியும்? வேறு ஏதோ ஒரு சிந்தனையை வைத்துக் கொண்டு தெய்வத்தின் முன் நிற்ப்பதோ, முழங்கால் போடுவதோ வழிபாடு ஆகுமா?

இந்த விடயத்தில் என் பள்ளி ஆசிரியர் அருள்தாஸ் சொன்ன ஒரு சிறு சுவையான சமபவத்திக் குறிப்பிட விரும்புகிறேன். மறைந்த அமெரிக்க அதிபர் கென்னடி (அதிபர் ஆகும் முன்) சர்ச்சுக்கு சென்று பிரேயரில் கலந்து கொண்டாராம்.

பிரேயர் நீளமாக இருக்கவே அவர் தூங்கி விட்டாராம்.

சர்ர்சிலே பாதிரியார் பிரசங்கத்தை நிகழ்த்திக் கொண்டு வந்து, ஒரு கட்டத்திலே “உங்களில் யாரவாது எரி நரகத்துக்கு செல்ல விரும்புகிறீர்களா? எரி நரகத்துக்கு செல்ல விரும்புபவர்கள் எழுந்து நில்லுங்கள்” என சொன்னாரான் . அந்த நேரத்திலே முழித்துக் கொண்ட கென்னடி “எழுந்து நில்லுங்கள்” என்று சொன்னதை கேட்டு உடனே விறுவிறுப்பாக எழுந்து நின்று விட்டாராம்.

அப்போது பாதிரியார் ஆச்சரியப்பட்டு , என்ன மிஸ்டர் கென்னடி, நீங்கள் ஏன் நிற்கிறீர்கள்? நீங்கள் நரகத்துக்கு செல்ல விரும்புகிறீர்களா? என்று கேட்டாராம்.

கென்னடி, ”ஆமாம் பாதர், நீங்கள் மட்டும் தனியாக நரகத்துக்கு செல்வதை நான் விரும்பவில்லை” என்றாராம்.

Hard Truth, Said:

//உருவ வழிபாட்டை கண்டித்து , எள்ளி நகையாடி முழு நாத்தீகராக திகழ்ந்த பகுத்தறிவாளரான விவேகானந்தர், தான் உருவ வழி பாட்டின் மூலம் மிக உயரிய ஆன்மீக நிலையை அடைந்த ஒருவரின் ( இராம கிருஷ்ணர்) மூலமே தான் மிகப் பெரிய உண்மைகளை உணர்ந்ததாகக் கூறியுள்ளார்.//
விவேகானந்தர் கூறியது உண்மை என்று எப்படி நம்புவது? என்ன ஆதாரம் உள்ளது? அது பொய்யாக இருக்க சாத்தியம் இல்லையா?

//உருவத்தை வழிபடுபவனை இழிவாக நினைக்கவோ, அவனை வெறுக்கவோ அவசியம் இல்லை.//
உருவ வழிபாடு செய்பவனை யாரும் இழிவாக நினைக்கவில்லை, அவனை யாரும் வெறுக்கவும் இல்லை. உருவ வழிபாடு செய்வது ஒருவனை நரகத்தில் தள்ளும் என்று நான் நினைத்தால், அவனை நான் வெறுக்கும் பட்சத்தில், அவனை நான் அப்படியே விட்டுவிடுவேன். அவன் மீது அன்பு கொண்ட காரணத்தினால்தான் உங்களை போன்றோர் எங்களை குறை சொன்னாலும் பரவாஇல்லை என்று எங்கள் நேரத்தை செலவிட்டு, நாங்கள் நம்பும் உண்மையை கூறுகிறோம்.

//உருவமற்ற முறையில் கடவுள் இருப்பதாகக் கருதி வழிபடுகிறானோ, உருவத்தைக் கடவுளாகக் கருதி வழி படுகிறானோ, தன்னையே கடவுளாக நினைத்து வழிபடுகிறானோ, எப்படியோ அமைதியாக வழிபட்டால் சரி. //
அதாவது இந்துக்கள் செய்வது சரி மற்றவர்கள் செய்வது/சொல்வது தவறு என்று “நாகரீகமாக” சொல்கிறீர்கள்.

//முதலில் கடவுள் என்று ஒன்று இருப்பதை காட்ட வேண்டும்,

பிறகு கடவுள் உருவம் இல்லாத நிலையில் மட்டுமே இருக்கிறார் என்பதையும் காட்ட வேண்டும்,

பலருக்கும் உருவத்தை அளிக்கும் அவர் தனக்கு ஒரு உருவத்தை எடுத்துக் கொள்ளும் சுதந்திரம் இல்லாத நிலையில் இருக்கிறார் என்பதையும் நிரூபிக்க வேண்டும்.

இத்தனையும் நிரூபித்து விட்டு அவர்கள் உருவ வழிப்பாட்டை மட்டும் ஒத்துக் கொள்ள முடியாது என்று சொன்னால் அதை நாம் ஒத்துக் கொள்ளலாம்.//

எங்களுக்கு எங்கள் வேதத்தில் கொடுத்த கட்டளை, சத்தியத்தை மற்றவருடன் பகிர்ந்துகொள்ளுதல். உண்மையை மற்றவர்க்கு சொல்லுதல். நாங்கள் சொல்கிறோம், சொல்லுவோம். நம்புவதும், நம்பாமல் இருப்பதும், ஒத்துகொள்வதும், ஒத்துகொள்ளாமல் இருப்பதும் உங்கள் விருப்பம். உங்களுக்கு சொல்வதே எங்கள் கடமை, உங்களை ஒத்துகொள்ளவைப்பது எங்கள் கடமை அல்ல.
கிருஸ்துவரில் சிலர் ஆர்வகோளாறால், பிறரை ஒத்துக்கொள்ளவைக்க நினைத்து அவப்பெயரை, அவர்களுக்கும் கிருஸ்துவதிர்க்கும் தேடிகொடுத்தனர்.
ஆனால் உண்மையை சொல்லுதல் மாத்திரம் கண்டிப்பாக நடந்துகொண்டே இருக்கும். நீங்கள் எங்களை காட்டுமிராண்டிகள், முரட்டு பிடிவாதக்காரர்கள், காழ்ப்புனற்சிக்காரர்கள் என்று கூறினாலும், காரி உமிழ்ந்தாலும், துன்புறுத்தினாலும், கொன்றாலும், இது நடக்கும்.
Hard Truth

Hard Truth,  Said:

//ஒருவர் தெய்வத்தை வணங்குவது என்றால் என்ன, அந்த தெய்வத்தை நினைத்து வேண்டுவது, அந்த தெய்வத்திடம் மனக் குவிப்பு செய்வது என்பதே. வழிபாடாக இருந்தால் அதற்க்கு மனக் குவிப்பு வேண்டாமா? மனக் குவிப்பு இல்லாமல் எப்படி வழிபாடு செய்ய முடியும்? வேறு ஏதோ ஒரு சிந்தனையை வைத்துக் கொண்டு தெய்வத்தின் முன் நிற்ப்பதோ, முழங்கால் போடுவதோ வழிபாடு ஆகுமா? //
இதுதான் உருவவழிபாட்டின் முதல் பிரச்னை.
நீங்கள் தெய்வத்தை சுருக்கி ஒரு பொருளாக வைத்தபின் அந்த பொருளின்மேல் மனதை குவிக்கவேண்டும் என்று தோன்றுகிறது. அப்படி குவிக்காவிட்டால் உங்கள் பிரார்த்தனை கடவுளை அடையாது என்று நினைக்கிறீர்கள்.
நீங்கள், உங்கள் மனதை குவித்து உங்கள் எண்ணங்களை ப்ரார்தனைகளாய் கடவுளிடம், செலுத்த பார்கிறீர்கள்.
நாங்கள், தேவனால் அனைவரது உள்ளங்களையும் அறிய முடியும் என்று நம்புகிறோம். அவர் சர்வ வல்லவர் என்று நம்புகிறோம். அதனால் எங்களுக்கு எங்கள் பிரார்த்தனையில் மனகுவிப்பும் தேவை இல்லை, அந்த மனக்குவிப்புகாக ஒரு விக்கிரகமும் தேவை இல்லை. என்னை பொறுத்தவரை, தொலைபேசியில் பேச எந்த அளவுக்கு மனக்குவிப்பு தேவையோ அந்த அளவு மனக்குவிப்பு ஒரு நல்ல பிரார்த்தனைக்கு போதுமானது.
வேதம் கூறுகிறது “ஆவியோடும், உண்மையோடும் அவரை தொழுதுகொள்ளுங்கள்” என்று. இதில் மனக்குவிப்பு இடம் பெறவே இல்லை.

___________________________________

thiruchchikkaaran,  Said:

நாங்கள் யாரை என்ன துன்புறுத்துகிறோம், நாங்கள் தான் எல்லோரின் வழி பாட்டிலும் கலந்து கொள்கிறோம் என்று சொல்கிறோமே.

கொன்றது யார், குருசெடு போர்களை நடத்தி பல கொடிக்கனக்கானவரைக் கோடிக் கணக்கானவரைக் கொன்று குவித்தனர். இப்போதும் பாலஸ்தீனிலும், ஈராக்கிலும் நடந்து கொண்டுதான் இருக்கிறது.
நம்முடைய தளத்திலேயே , பலரும் செத்தாலும் சரி, நாங்கள் அடாவடிப் பிரச்சாரத்தை செய்வோம் என்ற வகையிலே பதிவுகள் இருக்கிறதே.

மேலும் உண்மை என்றால் என்ன என்பதை முதலில் புரிந்து கொள்ள வேண்டும், உண்மை என்றால் நிரூபிக்கப் பட வேண்டும், எத்தனை முறை பரிசீலனை செய்தாலும் அது நிரூபணம் காட்ட முடியும். வெறும் நம்பிக்கைகளை வைத்துக் கொண்டு , உண்மை என்று நிரூபிக்க முயற்ச்சி செய்வதால் தான் பிரச்சினை வருகிறது. யாரும் பார்க்காத கடவுளை அப்படியே நேரிலே போய் பார்த்து கை குலுக்கி விட்டு வந்ததைப் போல, ஒரு கடவுள் தான், உருவம் இல்லை, நான் சாட்சி குடுக்கிறேன், அப்படியே ஒத்துக் கொள்ள வேண்டும் என்று கட்டாயப் படுத்துவது.

யூதர்கள் தான் இதை ஆரம்பித்தது. அதே கருத்தை கிருச்துவரும் சுவீகாரம் செய்து கொண்டார்கள்.
அந்தக் கடவுள் தான் ஒரே கடவுள் என்று எல்லோரும் ஒத்துக் கொள்ள வேண்டும்.

இதிலே உண்மை என்னவென்றால், ஒரு தரப்பாரும் கடவுளை பார்க்கவில்லை.

யாரோ மூவாயிரம் வருடம் முன்பு கற்பலகையில் கட்டளை எழுதி வாங்கினார் என்று கதையை வைத்து, பார்க்காத கடவுளுக்கு, நான் சாட்சி குடுக்கிறேன் என்று அவ்வளவு அலப்பறை.

சரி, யார் கடவுள் உண்மையான கடவுள்? ஒருவரும் ஒரு கடவுளையும் பார்க்கவில்லை!அப்படியானால் எப்படி தீர்மானிப்பது? வெறும் நம்பிக்கை மாத்திரமே உள்ளது.

தங்கள் கற்பனையில் உருவான கடவுள் தான் உண்மையான கடவுள் என்று நிரூபிக்க,யார் கடவுள் வலிமையான கடவுள் என்று நாமே தீர்மானிப்போம் என்று “உருவு வாளை” எனக் காட்டு மிராண்டிக் காலத்திலிருந்தே போடப் பட்டுக் கொண்டு வந்த சண்டைகளை, காலத்துக் கேற்ப நவீன ஆயுதங்களுடன் செய்கின்றனர். இப்போது இந்தியாவிலும் இந்த‌ அடாவ‌டிப் போக்கு ப‌ர‌வ‌ ஆர‌ம்பித்து விட்ட‌து.

நீங்கள் உங்கள் நம்பிக்கைகளை உண்மை போலக் காட்ட வேண்டும் என்கிற ஆதங்கத்திலே, அவரத்திலே உங்களின் வெறுப்பு பிரச்சாரத்தை நடத்துகிறீர்கள். நாங்கள் பகுத்தறிவின் அடிப்படையிலே நல்லிணக்க, சமத்துவ, சமரச , அன்பு பிரச்சாரத்தை நடத்துவோம்.

___________________________________

thiruchchikkaaran, on May 23, 2010 at 22:31 Said:

உங்களின் வழிபாட்டை இகழவோ, தவறு என்று சொல்லவோ, வெறுக்கவோ இல்லையே. .

நாங்கள் உருவ வாழிபாடுதான் ஒரே வழி என்று சொல்லவில்லையே

நீங்கள் மனக் குவிப்பு செயுங்கள், அல்லது மனக் குவிப்பு இல்லாமல் வழி படுங்கள், நாங்கள் உங்களை ஒன்றும் சொல்லவில்லையே.

உங்களுக்கு தொலைபேசியில் பேசும் அளவுக்கு மனக் குவிப்பு போதுமானால், அதை நாங்கள் குறை கூறவில்லை.

இன்னும் அதிக மனக் குவிப்பு செய்ய விரும்புபவன் செய்து கொள்ளட்டும்.

நீங்கள் ஆவியில் வழி படுங்கள் , நாங்க்கள் அதிலும் கலந்து கொண்டு நல்லிணக்கத்தைக் காட்டுகிறோம். நாங்கள் இந்த அளவுக்கு சொல்லும் போது, நீங்கள் ஏன் தேவை இல்லமால் பிரச்சினை செய்கிறீர்கள், உருவத்தை வழி படச் சொல்லி உங்களைக் கட்டாயப் படுத்தவில்லை. பிரச்சினை உங்களுக்குத்தான், உங்களால உருவ வழிபாட்டை சகித்துக் கொள்ள இயலவில்லை.

ஒருவன் உருவத்திலே மனத்தைக் குவித்து வணங்கினால் உங்களுக்கு என்ன கோராமை?

____________________________

Hard Truth,  Said:

//நாங்கள் யாரை என்ன துன்புறுத்துகிறோம், நாங்கள் தான் எல்லோரின் வழி பாட்டிலும் கலந்து கொள்கிறோம் என்று சொல்கிறோமே. //
நீங்கள்தான் RSS போன்ற கும்பல்களை வைத்துகொண்டு அடாவடி செய்கிறீர்களே? ஆலய உடைப்பு செய்கிறீர்களே. கொலைகளை செய்கிறீர்களே.

//கொன்றது யார், குருசெடு போர்களை நடத்தி பல கொடிக்கனக்கானவரைக் கோடிக் கணக்கானவரைக் கொன்று குவித்தனர்.//
குருசெடு போர்களின் ஆதரவாளன் நான் அல்ல. இப்போதைய பெரும்பான்மையான கிறிஸ்துவர்களும் அதற்க்கு ஆதரவானவர்கள் அல்ல. ஏசுவும் ஆயுதம் எடுத்து போர் புரிய சொல்லவில்லை.
ஆனால், நீங்கள் குறிப்பிடும்படி குருசெடு போர்கள், கிறிஸ்துவத்தை பரப்ப நடந்த போர்கள் கிடையாது. முன்பு கிருஸ்துவநாடாக இருந்த இடங்களை இஸ்லாமியர் கைப்பற்றினர். அங்கே இஸ்லாத்தை வாளால் பரப்ப முயற்சி நடந்தது. அவற்ற்றை தடுக்கவே, இஸ்லாமிய ஆக்கிரமிப்பை வெளியேற்றவே குருசெடு போர்கள் நடைபெற்றது.

//யாரும் பார்க்காத கடவுளை அப்படியே நேரிலே போய் பார்த்து கை குலுக்கி விட்டு வந்ததைப் போல, ஒரு கடவுள் தான், உருவம் இல்லை, நான் சாட்சி குடுக்கிறேன், அப்படியே ஒத்துக் கொள்ள வேண்டும் என்று கட்டாயப் படுத்துவது.//
//இதிலே உண்மை என்னவென்றால், ஒரு தரப்பாரும் கடவுளை பார்க்கவில்லை.//
யாரும் பார்க்கவில்லை என்று உங்களால் நிரூபிக்க முடியுமா?
நீங்கள் ஒரு நடுநிளையாலனை போல காட்டிக்கொள்ள நினைக்கிறீர்கள். ஆனால் நீங்கள் நடுநிலையாளன் அல்ல என்று உங்கள் வார்த்தைகள் காட்டுகிறது.
ஒரு நடுநிலையாளன், “அவர்கள் பார்த்தும் இருக்கலாம், பார்க்காமலும் இருக்கலாம்” என்றே கூறுவானே தவிர உங்களை போல பேசமாட்டான்.
யாரும் பார்க்கவில்லை என்று உங்களால் நிரூபிக்க முடியுமா? உங்கள் வார்த்தைகள் நீங்கள் நடுநிலையில் இருந்து பேசுவதாக காட்டவில்லை. நீங்கள் உண்மையாய் நடுநிலையில் இருந்து பேசினால், அவர்கள் பார்த்து இருக்கலாம் அல்லது பார்க்காமலும் இருக்கலாம் என்றே கூறுவீர்கள். மற்றபடி, கற்பனை தேவன் என்றெல்லாம் கூறமாட்டீர்கள்.
Hard Truth

Hard Truth,  Said:

//உங்களின் வழிபாட்டை இகழவோ, தவறு என்று சொல்லவோ, வெறுக்கவோ இல்லையே. //
ஏன் எனில் உங்களின் ஒரு சாரார் அரூவ வழிபாடு செய்கிறார்களே. மேலும், மற்றவர் மேல் எங்களை போல் உங்களுக்கு அக்கறை இல்லை.

//நாங்கள் உருவ வாழிபாடுதான் ஒரே வழி என்று சொல்லவில்லையே//
நல்லது.

//பிரச்சினை உங்களுக்குத்தான், உங்களால உருவ வழிபாட்டை சகித்துக் கொள்ள இயலவில்லை.//
அடுத்தவன் கேட்டுக்கு செல்வதை சகித்துக் கொள்ள இயலவில்லை.
Hard Truth

___________________________

thiruchchikkaaran, on May 23, 2010 at 22:31 Said:

அவர்களுக்கு எந்த கேட்டின் பாதையிலும் போகவில்லை. அவர்கள் பிறரின் வழிபட்டு முறைகளை நிந்திக்கவோ, வெறுக்கவோ இல்லை.

பிற மதத்தவரின் வழிபாட்டு முறைகளை இகழந்து கண்டிக்கும் உங்களின் செயலை நியாப் படுத்த , எல்லா மக்களும் உங்கள் ஒருவரின் மதத்தை மட்டுமேபின் பற்ற வேண்டும் என்கிற உங்களின் மத வெறியை மறைக்க வசனங்களால் அளப்பிப் பார்க்கிறீர்கள்.

_____________________________-

அவர்களின் பாதை நிச்சயமாக கேட்டுக்கு போகும் பாதை அல்ல, அவர்கள யாரையும் வெறுக்கவோ, தீங்கு நினைக்கவோ இல்லை.

நீங்கள் ஆதாரமே இல்லாத கோட்பாடுகளை வைத்துக் கொண்டு எல்லோரையும் அதட்டி மிரட்டிப் பார்க்கிறீர்கள்.

இன அழிப்புக் கொள்கைகளை நியாயப் படுத்துவது, வெறுப்பு பிரச்சாரத்தைக் கட்டவிழ்த்து விடுவது, இவைதான் கேட்டுக்கு செல்லும் பாதைகள்.

————————–

thiruchchikkaaran, on May 23, 2010 at 22:31 Said:

திரு. Hard Truth அவர்களே,

கிறிஸ்துவர்கள் பிரேயர் செய்யும் போது அவர்கள் மனதில் இயேசுவை நினைத்துக் கொள்கிறார்களா இல்லையா?

நீங்கள் பிரேயர் செய்யும போது உங்களின் மனதில் இயேசு கிறிஸ்துவை நினைக்கிறீர்களா இல்லையா?

Hard Truth,  Said:

//நீங்கள் பிரேயர் செய்யும போது உங்களின் மனதில் இயேசு கிறிஸ்துவை நினைக்கிறீர்களா இல்லையா?//
Thinking of Christ. Not of any image. No visualizations.

Hard Truth

 _____________________________________________

தனபால்,  Said:

சகோ. திருச்சிக்காரர் அவர்களே,

எல்லா மதத்தினரும் தனது கடவுள் இந்த பிரபஞ்சத்தைப் படைத்ததால்,அவர் (இந்த பிரபஞ்சத்தை விட ???)மிகப் பெரியவர், எல்லையில்லாதவர், என்றே கூறுகின்றனர்.அந்த எல்லையில்லாத கடவுள் இரண்டாகவோ, மூன்றாகவோ,பலவோ இருக்கமுடியாது என்பதை நாம் ஓரளவுக்கு அனுமானிக்க முடியும்.இந்த வகையில் எல்லையில்லாத கடவுள் ஒரே ஒருவர்தான் இருக்க முடியும் என்று திரு hard truth போன்ற படித்தவர்களும் புரிந்து கொள்ள முடியும்.ஒரே கடவுளையே வெவ்வேறு மதத்தினர் வெவ்வேறு பெயர்களில் அழைக்கின்றனர் என்பதைப் புரிய வைக்கமே முயன்று கொண்டிருக்கிறேன்.நான் இந்து மதத்தில் சொல்லப்பட்ட உருவமற்ற கடவுளை ஏற்றுக் கொள்ளச் சொல்லவில்லை.அனைத்தும் ஒன்றே என்று புரிய வைக்கவே முயன்றுகொண்டிருக்கிறேன்.

இந்த வகையில் நான் வுருவக் கடவுளை எள்ளளவும் குறைவாகக் கூறவில்லை.அத்வைதத்தை கூறிய சங்கரரே உருவமுள்ள கடவுளை வணங்கியிருக்கிறார்.சக்தியின் மேல் பல ஸ்லோகங்களை இயற்றியுள்ளார்.எண்ணற்ற சித்தர்கள், மகான்கள்,ரிஷிகள் போன்றோரும் உருவக்கடவுள் மூலமே கடவுளை உணர்ந்துள்ளனர்.அருவக் கடவுளை தியானிப்பது மிகக் கடினமே.மிஞ்சிப் போனார் விவேகானந்தர் கூறியது போல் பரந்த வெளியையும்,பரந்த ஆகயத்தையுமே நினைக்க முடியும்.கடவுள் உருவாகவும்,அருவாகவும் இருக்கிறார் என்பதை ராமகிருஷ்ணர் போன்ற பல மாகான்கள் உணர்ந்து கூறியிருக்கிறார்கள் .நானும் உருவக் கடவுளையே வணங்குகிறேன்.

///யூத மதத்தினர், இஸ்லாமியர்கள் இவர்கள் இருவருமே உருவமற்ற நிலையிலே மட்டுமே கடவுள் இருக்க முடியும் என்கிற ஒரு கருத்திலே மிக உறுதியானவர்கள்.///

ஆனால் அந்த உருவமற்ற இரண்டு மத கடவுளும் ஒருவரே என்பதை அவர்கள் புரிந்து கொள்ளவில்லை. உருவமற்ற தங்கள் கடவுள் வேறு,மற்ற உருவமற்ற கடவுள் வேறு என்றே கருதினார்கள்.

நான் எல்லையிலாத கடவுள் ஒருவர் மட்டுமே இருக்க முடியும் என்பதை புரிய வைப்பதே எனது வழியாக இருக்கிறது.அதனால் நான் எழுதியது உருவக்கடவுளை குறைத்துக் கூறுவது போல் கருதினால் அதற்காக நான் மன்னிப்புக் கேட்டுக் கொள்கிறேன்.

_____________________________

thiruchchikkaaran,  Said:

அன்பிற்கும் , மதிப்பிகுமுரிய சகோதரர் திரு. தனபால் அவர்களே,

உங்களின் மேலான கருத்துக்களுக்கு மிக்க நன்றி.

உருவமற்ற கடவுளாகவோ, அதே கடவுள் உருவமுள்ள எடுத்த நிலையிலே இருப்பதாகவோ கருதிக் கொள்ளலாம், அந்தக் கருத்தாக்கத்தை முன் வைக்கலாம்.

ஆனால் முதலில் கடவுள் என்னும் கோட்பாடே அனுமானம் தான் என்பதை தாழ்மையுடன் சொல்லிக் கொள்கிறேன். வெறும் அனுமானத்தின் அடிப்படையில் ஒரு கருத்தை சொல்பவர்கள், அமைதியாக தங்கள் கருத்தை சொல்லலாமே தவிர, நீ இப்படித் தான் வணங்க வேண்டும், இன்னொரு முறையில் நீ வணங்குவதை நான் ஆட்சேபிக்கிறேன் என்று எல்லாம் சொல்ல கூடாது.

நான் சொல்லும் முறையில் வணங்குவதுதான் உண்மையான வழி என்று அடாவடி செய்பவர்கள், அது உண்மை என்பதற்கான நிரூபணத்தை ஆதாரத்தைக் கொடுக்க வேண்டும். ஆதாரமுமில்லை, நிரூபணமும் இல்லை என்னும் போது அமைதியாக அடுத்தவரை இகழாமல் தங்கள் முறையில் வழி பட வேண்டும்.

லாஜிக் அடிப்படையில் எல்லையில்லாத கடவுள் ஒருத்தராகவே இருக்க வேண்டும் என்ற அவசியம் கூட இல்லை. எல்லையில்லாதது என்றால், எங்கும் ஆக்கிரமித்து இருக்கிறது, இரண்டாவது என்று ஒன்று எப்படி இருக்க முடியும் என்று கேட்டால், காற்று மண்டலம் எல்லையில்லாமல் இருக்கிறது என்று வைத்துக் கொண்டால்( Its known that atmosphere is limited, but we consider a limitless atmosphere) அதில் ஆக்சிஜனும் எல்லை இல்லாமல் இருக்கிறது, நைட்ரஜனும் எல்லை இல்லாமல் இருக்கிறது.

இந்து மதம் ஏகம் சத்விப்ரா , பஹுதா வதந்தி என்று சொல்லி இருக்கிறது. நீங்களும் நல்லிணகத்தை உருவாக்க நேர்மையாகவும், சின்சியராகவும் முயல்கிறீர்கள். அதைப் பாரட்டுகிறேன்.

அதே நேரம் நல்லிணக்கம் என்பது காலத்தின் கட்டாயம் ஆகும். மனிதத்தை வாழ வைக்க நல்லிணக்கத்தை ஓரளவாவது அனுசரிக்க வேண்டியது எல்லோருக்கும் அவசியமாகிறது.

உருவ வழிபாடு செய்யச் சொல்லி யாரையும் நாம் கட்டாயப் படுத்தவில்லை. உருவ வழிபாடு செய்யும் முறையை வெறுக்க வேண்டிய அவசியமில்லை என்பதையே சொல்கிறோம்.

உருவ வழிபாட்டை எதிர்க்கிறேன் என்று வெறுப்பு பிரச்சாரத்தை கட்டவிழ்த்து விடுவதை விட்டு, மக்களிடையே மோதலை உருவாக்குவதை அனுமதிக்க முடியாது.

பவுத்தர்கள் தியானம் செய்யும் போது, ஒரு பெரிய வட்டமான உலோகத் தகட்டில் ஒருவரை ஒலி எழுப்ப வைப்பார்கள். சில நொடிகள் கழித்து மீண்டும் ஒலி எழுப்பப் படும். அந்த ஒளியிலே மனத்தைக் குவித்து தியானம் செய்வது அவர்களின் மத வழிபாட்டு முறைகளில் ஒன்று. அவரவருக்கு கன்வீனியனட் ஆன முறையிலே அவரவர்கள வழி பட சுதந்திரம் உண்டு. காரணமில்லாமல் இகழ வேண்டியதில்லை.

அமைதியாக வழிபாடு நடத்துபவர்களின் வழிபட்டு சுதந்திரத்தை அழிக்க அடாவடி காட்டு மிராண்டி தனம் செய்பவர் செய்யும் செயல்பாட்டுக்கு பல்லக்கு தூக்க முடியாது. உருவமற்ற நிலையை வழிபாடு செய்வதை நான் ஆட்சேபிக்கவில்லை, அவர்களின் வழிபாட்டில் கலந்து கொள்ள, நல்லிணக்க அடிப்படையில் மனப் பூர்வமாக பங்கெடுக்கத் தயார். நீங்கள் மன்னிப்புக் கேட்கிறேன் என்று எல்லாம் எழுத வேண்டியதில்லை. உங்களின் நல்லிணக்க முயற்ச்சியைப் பாராட்டுகிறேன்.

______________________________________

                             

_________________________________

இணைப்பு – 1

Ashok kumar Ganesan,   Said:நண்பர் திருச்சிக்காரர்,
நீங்கள் ஏன் உங்கள் கருத்துக்கு ஒத்து வராதவர்களை விரோதியாக பார்க்கிறீர்கள் என்று தெரியவில்லை. நாங்கள் ஏன் உருவ வழிபாட்டை ஆமோதித்தே ஆகவேண்டும் என்று நினைக்கிறீர்கள்? மற்றவர் சுதந்திரத்தை பற்றி பேசும்போது இருக்கும் வேகம், கிருஸ்துவர்கள் சுதந்திரம் மீது இல்லையே. எனக்கு உருவவழிபாடு ஒரு தீமையான விஷயமாக தெரிகிறது. உருவவழிபாட்டில் நான் கலந்துகொள்ளமாட்டேன். அது என் சுதந்திரம் இல்லையா? நாங்கள் ஏதாவது கோவிலுக்கு போய் வழிபாட்டை தடுத்தோமா? அல்லது வீட்டுக்குள் உருவவழிபாடு செய்பவருடன் பிரச்சனை செய்தோமா? அரசியல் செய்வதற்காக, சிலர் அப்படி செய்து இருக்கிறார்கள். அதற்க்கு கிறிஸ்த்துவர்கள் பொறுபேற்க முடியாது. அரசியல்வாதிகள் இந்துத்துவம் பெயரைகொண்டும் பல செயல்கள் செய்கிறார்கள். பாப்ரி மஸ்ஜித் விவகாரத்தில் இந்துக்கள் அனைவரும் பொறுபேற்க முடியுமா?
புகைப்பிடிப்பது ஒரு தவறான விஷயம், அறிவியல் ரீதியாக இதை நிரூபிக்க முடியும். புகைபிடித்தல் ஒருவருக்கு மட்டும் அல்ல பலருக்கும் அது பிரச்சனைதான். ஆனால், புகைபிடிக்கும் ஒருவரை பார்த்து “நீங்கள் இதை நிறுத்தவேண்டும்” என்று நாம் சொல்ல முடிகிறதா? ஆனால் அந்த நபர் நமக்கு தெரிந்தவராக இருந்தால் பேச்சுவாக்கில் அது தவறு என்று நான் சொல்கிறேன், ஆனாலும் அதை அழுத்தமாய் சொல்லமுடிவதில்லை. ஏனென்றால் அது அவர் தனிப்பட்ட விஷயமாக உள்ளது.
இப்போதைய உலகம் ஏற்றுக்கொள்ளக்கூடிய அறிவியல் ரீதியாக என்னால் நிரூபிக்க முடியாத ஒருவவழிபாட்டு பிரச்னையும் ஏறக்குறைய அப்படிதான். (உங்கள் வழிப்பாட்டை புகைப்பிடித்தலுக்கு ஒப்பிட்டதற்கு என்னை மன்னிக்கவும், உங்களை புண்படுத்துவது என் நோக்கம் அல்ல, என் நிலையை புரியவைக்கவே நான் பாடுபடுகிறேன்). எனக்கு பழக்கபட்டவருக்கு, நான் நல்லது என்று எனக்கு தெரிந்த விஷயத்தை சொல்கிறேன். அதை எடுத்துகொள்வதும், மறுப்பதும் அவர் இஷ்ட்டம். என் கருத்தை அவர் ஏற்க்கவில்லை என்று நான் அவரை பகைக்கமாட்டேன், இகழமாட்டேன். என் குறைகளை நிவர்த்தி செய்வதே எனக்கு பெரிய வேலையாக உள்ளது.
உங்கள் கருத்துக்கள் கிருச்த்துவர்களை, முரடர்களை போலும், கொலை பாதகர் போலும் காட்டுகிறது.
உங்களுடன் சமாதானமாகவும், அன்போடும் பழக உண்மையில் என் மனம் ஏங்குகிறது. நாம் சகோதரர்களே.
நண்பர் தனபாலுக்கு, அவர் அன்புக்கு என் வணக்கம்.
அசோக்

_______________________________________

thiruchchikkaaran, on May 24, 2010 at 22:31 Said:

Dear Mr. Ashok,

//நீங்கள் ஏன் உங்கள் கருத்துக்கு ஒத்து வராதவர்களை விரோதியாக பார்க்கிறீர்கள் என்று தெரியவில்லை. நாங்கள் ஏன் உருவ வழிபாட்டை ஆமோதித்தே ஆகவேண்டும் என்று நினைக்கிறீர்கள்? //

இது என் மீது சுமத்தப் படும் அபாண்டமான குற்றச் சாட்டே. நான் யாரையும் விரோதியாகக் கருதவும் இல்லை. எந்த ஒரு வழிப்பாட்டையும் எதிர்க்கவும் இல்லை. என்னுடைய இஸ்லாமிய நண்பர்களுடன் நான் மசூதிக்கு சென்று நல்லிணக்க அடிப்படையில் வழி பட்டு இருக்கிறேன். இன்னும் இரண்டு மாதங்க்ளால் ரமதான் நோன்பு தொடங்க இருக்கிறது. அதிலும் முழுமையாகப் பங்கெடுப்பேன். கிறிஸ்துமஸ் விழாவிலும் பங்கெடுப்பேன்.

//மற்றவர் சுதந்திரத்தை பற்றி பேசும்போது இருக்கும் வேகம், கிருஸ்துவர்கள் சுதந்திரம் மீது இல்லையே.//\

கிறிஸ்தவர்களின் வழிபாட்டுக்கு முழு சுதந்திரம் கொடுக்கிறேன்.நீங்கள் சர்ச்சில் பிரேயர் நடத்துங்கள், யாரும் தொல்லை செய்யாதவாறு நான் வெளியில் இருந்து பாதுகாப்பு செய்கிறேன்.

ஆனால் நீங்கள் கேட்கும் சுதந்திரம் என்பது பிற மதத்தினரின் வழிபாட்டு முறையை எந்த வித காரணமும் இன்றி கண்டிக்கும், நிராகரிக்கும், இகழும் உரிமை- அதாவது மத நல்லினக்கத்திக் கெடுத்து, மதப் பூசலை உருவாக்கும் செயலை நீங்கள் உங்களின் சுத்தந்திரம் எனக் கருத்கிரீர்கள். நாகரிக சமுதாயம் அதை அனுமதிக்காது.

//எனக்கு உருவவழிபாடு ஒரு தீமையான விஷயமாக தெரிகிறது.//

என்ன தீமை, ஒரு தீமையும் இல்லை என்பதைக் கட்டுரையில் காட்டி இருக்கிறோம்.

அப்படி ஏதாவது தீமை இருக்கிறது என்று நீங்கள் கருதினால் அதை அறிக்கை செய்ய வேண்டும். அதை பகுத்தறிவு அடிப்படையில் ஆராய்ந்து உண்மையிலே தீமை இருக்கிறதா என்று ஆராய்வோம். தீமை எதுவும் காணப்படாத நிலையிலே வெறுமனே தீமையாக தெரிகிறது என்று சொல்வது, பிற மார்க்கங்களின் வழி பட்டை சகித்துக் கொள்ள முடியாத நிலையில் நீங்கள் இருப்பதையே காட்டுகிறது. எனவே நீங்கள் நாகரீகப் பாதைக்கு வந்து உனக்களித் திருத்திக் கொள்ள வேண்டும்.

பிற மதங்களின் வழி பாட்டை பொறுக்க முடியாமல் தவித்து, அவற்றில் தீங்கு இல்லாத நிலையிலும் தீங்கு இருப்பதாக ஆதாரம் இல்லாமல் வெறுப்பு பிரச்சாரம் செய்வதுதான் தீமையான செயல். தீமையை விட்டு நன்மைக்கு வாருங்கள்.

Its more appropriate to compare the cigerett smoking habit to your method of abusing the other religions worshipping methods due to your intolerance. In fact even that comparison is not accurate, we have better comparsion for religious fanaticism.

//நாங்கள் ஏன் உருவ வழிபாட்டை ஆமோதித்தே ஆகவேண்டும் என்று நினைக்கிறீர்கள்? மற்றவர் சுதந்திரத்தை பற்றி பேசும்போது இருக்கும் வேகம், கிருஸ்துவர்கள் சுதந்திரம் மீது இல்லையே. எனக்கு உருவவழிபாடு ஒரு தீமையான விஷயமாக தெரிகிறது. உருவவழிபாட்டில் நான் கலந்துகொள்ளமாட்டேன்.//

We dont insist you to join in idol worship, I have been writting that innumaerable number of times. We only tell you to not to hate the idol worship.

//நாங்கள் ஏதாவது கோவிலுக்கு போய் வழிபாட்டை தடுத்தோமா? அல்லது வீட்டுக்குள் உருவவழிபாடு செய்பவருடன் பிரச்சனை செய்தோமா? //

Many people are abusing the Gods of other religions. They are doing it in the street, approach the people and tell abuses of their Gods. They do it in our blog also.

//உங்களுடன் சமாதானமாகவும், அன்போடும் பழக உண்மையில் என் மனம் ஏங்குகிறது. நாம் சகோதரர்களே.//

Thank you I am alreday friendly with you, please dont abuse other religious practices without any reason, Please save the mankind.

//புகைப்பிடிப்பது ஒரு தவறான விஷயம், அறிவியல் ரீதியாக இதை நிரூபிக்க முடியும். புகைபிடித்தல் ஒருவருக்கு மட்டும் அல்ல பலருக்கும் அது பிரச்சனைதான். ஆனால், புகைபிடிக்கும் ஒருவரை பார்த்து “நீங்கள் இதை நிறுத்தவேண்டும்” என்று நாம் சொல்ல முடிகிறதா? ஆனால் அந்த நபர் நமக்கு தெரிந்தவராக இருந்தால் பேச்சுவாக்கில் அது தவறு என்று நான் சொல்கிறேன், ஆனாலும் அதை அழுத்தமாய் சொல்லமுடிவதில்லை. ஏனென்றால் அது அவர் தனிப்பட்ட விஷயமாக உள்ளது.
இப்போதைய உலகம் ஏற்றுக்கொள்ளக்கூடிய அறிவியல் ரீதியாக என்னால் நிரூபிக்க முடியாத ஒருவவழிபாட்டு பிரச்னையும் ஏறக்குறைய அப்படிதான். (உங்கள் வழிப்பாட்டை புகைப்பிடித்தலுக்கு ஒப்பிட்டதற்கு என்னை மன்னிக்கவும், உங்களை புண்படுத்துவது என் நோக்கம் அல்ல, என் நிலையை புரியவைக்கவே நான் பாடுபடுகிறேன்). //

உருவ வழிபாட்டால் அறிவியல் ரீதியில் எந்த ஒரு தீங்கும் இல்லை. உருவ வழி பாட்டால் மனக் குவிப்பு முதலிய நன்மைகளே கிடைக்கிறதே அல்லாமல் எந்த ஒரு தீங்கும் இல்லை என்பதை லாஜிக் அடிப்படையில், பகுத்தறிவு ரீதியாக விவாததித்து கட்டுரை எழுதி இருக்கிறோம். உங்களின் மதப் பற்று, அதை ஒத்துக் கொள்ள விடாமல் அதைத் தடுக்கிறது. தொடர்ந்து இகழ்ச்சிப் பிரச்சாரத்தில் உங்களை ஈடுபட வைக்கிறது. படிக்கும் யாருக்கும் இது நன்றாகப் புரியும்.